Ombýdsmen elimizdegi jalǵyz kámeletke tolmaǵandardy túzeý kolonııasyna bardy

ASTANA. QazAqparat - Qazaqstannyń Adam quqyqtary jónindegi ýákili Asqar Shákirov kámelet jasqa tolmaǵan jazasyn óteýshiler tárbıelenip jatqan kolonııaǵa (Almaty qalasyndaǵy LA-155/6) bardy.

Eldegi jalǵyz balalarǵa arnalǵan túzeý mekemesine sapary barysynda A.Shákirov jasóspirimderdiń jaǵdaıymen, olardyń quqyqtarynyń qamtamasyz etilýimen tanysyp, tárbıelenýshilermen jáne mekemeniń ákimshiligimen kezdesti. Kolonııa basshysymen áńgimelesý barysynda sottalǵan jasóspirimderdi saýyqtyrý boıynsha tyńǵylyqty jumys júrgizý qajettigine basa nazar aýdardy, - dep habarlady ombýdsmenniń baspasóz qyzmeti.

«Balalardyń quqyǵyn qamtamasyz etý memleket qyzmetiniń basym baǵyty, - dep atap ótti ol. - Osyǵan baılanysty Memleket basshysy Qazaqstan Respýblıkasynda Bala quqyqtaryn qorǵaý jónindegi ýákil ınstıtýtyn qurý týraly sheshim qabyldady».

Balalar quqyǵy halyqaralyq quqyq qorǵaý úderisinde basa mán beriletin nysan ekendigin atap ótken jón. Oǵan Qazaqstandaǵy adam quqyqtaryn qorǵaý jónindegi ýákil mekemesi belsene qatysady.