Omby-Maıqapshaǵaı tasjolynda suıytylǵan gaz tasymaldap kele jatqan júk kóligi aýdaryldy
21:17, 13 Qańtar 2025
<p>SEMEI. KAZINFORM – Omby-Maıqapshaǵaı tasjolynyń Abaı oblysy aýmaǵynda 6 tonna suıytylǵan gaz tasymaldap kele jatqan júk kóligi aýdarylyp tústi.</p>
Oblystyq polıtsııa departamenti baspasóz qyzmetiniń málimetine súıensek, jol-kólik oqıǵasy respýblıkalyq mańyzy bar Omby-Maıqapshaǵaı tasjolynyń 972-shaqyrymynda bolǵan.
— Semeı qalasynan Aqsýat aýylyna baǵyt alǵan «ZIL-130» markaly júk kóliginiń júrgizýshisi 6 tonna suıytylǵan gaz tıelgen tsısternany tasymaldap kele jatqan. Kenet ol rýldi basqara almaı qalyp, joldyń oń jaq jıegine shyǵyp ketti. Sonyń saldarynan júk kóligi aýdarylyp qaldy, — delingen aqparatta.
Qabyldanǵan jedel sharalardyń nátıjesinde kólik joldan shyǵarylyp, qaıta turǵyzyldy. Abyroı bolǵanda, jol apatynan eshkim zardap shekken joq.
Eske salsaq, osyǵan deıin Óskemen-Semeı tasjolynda qaraýsyz mal kesirinen 14 jol apaty bolǵany habarlanǵan.