Omarhan Óksikbaev: El ekonomıkasynyń úshten bir bóligi - kóleńkeli ekonomıka
«Memleket basshysy ekonomıkamyzda kóleńkeli ekonomıkanyń úlesi úlken ekenin aıtyp ótti. Ol ekonomıkamyzdyń úshten biri - kóleńkeli ekonomıka ekenine, onyń qaýip-qaterine jáne sybaılas jemqorlyqqa ákep otyrǵanyna basa nazar aýdardy. Ol quqyq qorǵaý organdarynyń basty jumysy - kóleńkeli ekonomıkamen kúres bolýy kerektigin aıtty. Bul - óte durys tapsyrma. Osy máseleni sheship alsaq, ashyqtyq arqyly ekonomıkamyzdyń damý úrdisin kórer edik», - deıdi QR Májilisiniń depýtaty Omarhan Óksikbaev.
Ol Memleket basshysynyń teńgeni bir qalypqa keltirý máselesin qozǵaǵanyna toqtalyp ótti.
«Teńgeniń turaqsyzdyǵy bıznestik ınvestıtsııa jasaýǵa umtylystyń joqtyǵyna, sheteldik ınvestorlardyń senimsizdik tanytýyna ákelip otyrǵany belgili. Osy máseleniń bárin der kezinde sheshe alsaq, bul erteńgi kúni teńgemizdiń turaqtanýyna jáne ınvestıtsııalyq klımattyń qalypqa kelýine septigin tıgizer edi. Sondaı-aq, elimizde zań aıasynda qyryqqa jýyq salyq pen túsimder bar ekeni belgili. Memleket basshysynyń tapsyrmasymen ony ońtaılandyryp, naqtylap, ekonomıkaǵa jumys isteıtin jáne bıýdjetke óz muqtajyn sheshetin jaǵdaı týǵyzý kózdelip otyr», - deıdi ol.