Oljas Súleımenov jas oqyrmandarmen kezdesti (FOTO)

ASTANA. QazAqparat - Qazaqstannyń halyq jazýshysy, aqyn Oljas Súleımenov Ulttyq akademııalyq kitaphanada oqyrmandarymen kezdesti. Bıyl kórnekti tulǵa seksen jasqa toldy.

Jalpy, búgingi kezdesýge jas oqyrmandar kóp jınalǵan eken. Olar Oljas Súleımenovtyń shyǵarmalaryn oqyp bitken soń ataqty jazýshydan bata surady.

«Gavrıl Derjavınniń kezinde Pýshkın oqyǵan lıtseıdegi jaǵdaı esime túsip tur. Men árıne, Derjavın emespin, biraq, balalar osy baǵytty tańdaǵan soń, armandary oryndalar dep senemin. Ýaqyttaryńnyń kóbin kitaphanaǵa arnańdar, qoldaryńnan kitap tastamańdar»,-dedi jastarǵa aqylyn aıtqan O.Súleımenov.

Aqyn ómir týraly oı qozǵaı kele: «qazir ótpeli kezeńde ómir súrip jatyrmyz. Meniń ár onjylym ártúrli ózgeristerge, ártúrli ótpeli kezeńderge tuspa tus keldi. Biraq, qaıda bardyq? Kelesi kezeńge keldik. Mine, ómirdiń formýlasy osy shyǵar. Múmkin, barar durys baǵytty keıde tappaı qalatyn shyǵarmyz, biraq, bilerim, tutastaı bir halyq ómir súrýin toqtatpaý kerek», - dedi aqyn.