ALMATY. Qazaqparat – Almatyda «Qazaqstan halyq kongresi» jalpyulttyq qozǵalysynyń sezi ótti. El aımaqtarynan kelgen bastamashyl toptyń músheleri baǵdarlamalyq qujattar men damýdyń negizgi baǵyttaryn talqylady, dep habarlaıdy QazAqparat tilshisi.
Sezge elimizdiń ár óńirinen barlyǵy 1 500-ge jýyq delegat keldi.
Partııa baǵdarlamasynda ekonomıka, ekologııa, densaýlyq máselesi, sapaly bilim berý baǵyttary qamtylǵan. Oljas Súleımenov bastaǵan belsendiler bar tájirıbe men kúsh-qýatty azamattyq qoǵamdy biriktirýge baǵyttaıtyndaryn jetkizdi.
Oljas Súleımenov biraýyzdan partııa tóraǵasy bolyp saılandy.
Partııa Jarǵysynyń jobasy da biraýyzdan maquldandy.
Eske salaıyq, byltyr mamyr aıynda Oljas Súleımenov «Qazaqstan halyq kongresi» partııasy qaıta qurylatyny týraly aıtqan bolatyn.
Alma Muqanova
Alma Muqanova T. Júrgenov atyndaǵy óner akademııasynyń «Kıno jáne Televızııa» fakýltetiniń túlegi. Jýrnalıstıka salasynda 20 jyldan beri eńbek etip keledi. Aımaqtyq, respýblıkalyq telearnalarda túrli qyzmetter atqarǵan. 2019 jyldan beri - QazAqparat agenttiginiń tilshisi. QR Jýrnalıster odaǵynyń múshesi.