Oljas Súleımenov bankterge mádenıet qoryna Italııadaǵydaı aqsha aýdarýdy usyndy

ALMATY. QazAqparat - Oljas Súleımenov ádebıet pen mádenıetti saqtaý men damytý máselelerinde ıtalııa tájirıbesin úırenýdi usyndy. Bul týraly ol Almatyda QR Parlamenti Májilisi depýtattarynyń kóshpeli otyrysy barysynda málim etti, dep habarlady «QazAqparat» HAA tilshisi.

«Oljas esimdi jas aqyn gazetterdiń birine suhbat berdi. Onda ol 100 paraqtan astam qoljazbaǵa 25 myń teńge alǵandyǵyn ári ony kóp jaǵdaıda óz týyndysyn satyp alýǵa  jumsaǵanyn aıtty. Kúndelikti tirshiligine de jetkiliksiz. Bul jaǵdaıda aldymen kitapqa obal boldy. Halyq qymbat kitap satyp ala almaıdy, al arzan kitap joqtyń qasy. Keńes odaǵy kezindegi kitap taratý júıesi jazýshylardy barlyǵymen qamtamasyz etip otyrdy, olardy turǵyn úımen, emdelýmen jáne basqa da qajettiliktermen qamtamasyz ete alatyn qordy qarastyrdy. Bizde osynyń biri de joq. Men 25 jyl ishinde qalamaqy túrinde birde bir teńge alǵanym joq, jańa ǵana qolyna qalam alǵan  «oljastardyń» kúni ne bolmaq. Qazir jazýshylardyń kásibi kereksiz bolyp barady. Buryn biz maqtanatynbyz. Kásibı jazatyndar qalmady, tek kásipqoı jazýshylar bar. Qazaqstandyq jas qalamgerler ádebıeti eleýli soqqy kórdi» dep qadaı aıtty Oljas Súleımenov. Ol mysal retinde kitaptyń jaryqqa shyǵýyna oraı barǵan kezdegi Italııada alǵan áserimen bólisti. «1998 jyly Italııada Champı zańy qabyldandy. Parlament depýtattary barlyq jeke bankterdi  óz jyldyq tabystarynyń bir bóligin mınıstrlikten bólek jumys jasaıtyn táýelsiz mádenıet qoryna aýdarýǵa mindettedi. Mádenıet bıýdjettik emes naryqtyq qarajatqa ıe bolady. Sondyqtan da olar kóp nársege qol jetkizdi. Osy mádenıet qory 80 bólimsheden turady. Men osy máseleni mınıstrler kabınetine jazdym jáne engizdim. Bizdiń Úkimet osy Champı zańyn zertteýi tıis dep oılaımyn»- dep sózin támamdady Oljas Súleımenov.