Oljas Bektenov turǵyn úılerdiń sapasy týraly: aryz-shaǵym kóp

<p>ASTANA. KAZINFORM &ndash; Premer-Mınıstri Oljas Bektenov jańa turǵyn úılerdiń sapasyn synǵa aldy.</p>

«Qurylystyń sapasy men onyń zańnamaǵa sáıkes kelmeýi – ózekti problema. Turǵyndar tarapynan osyǵan qatysty aryz-shaǵym kóp, baspana alǵan azamattardyń qýanyshtary uzaqqa sozylmaı otyr. Mundaı mysaldardy aqparat quraldarynan jıi kóre alamyz», - dedi Oljas Bektenov Úkimet otyrysynda. 

Úkimet basshysynyń aıtýynsha, sapasyz qurylys turǵyndardyń ǵana problemasy bolyp qalmaýy tıis. 

«Qurylys kompanııalary ózderine alǵan mindettemeni tolyq oryndaýǵa jáne qurylystyń sapasyn qamtamasyz etip, kemshilikterdi tez arada joıyp otyrýy kerek. Eń bastysy barlyq úıdi merziminde tapsyrý úshin qatań baqylaý qajet. Sondaı-aq, biraz óńirde ınjenerlik jelilerdi júrgizýge bólingen qarajat tıimdi ıgerilmeı otyr», - deıdi ol. 

Buǵan deıin O. Bektenov Astanada G-Park kompanııasynyń resmı qujatsyz turǵyn úıler salyp jatqanyn aıtqan edi.