Oljas Bektenov sý tasqynynan zardap shekkender jaıly: Azamattardyń qıyn jaǵdaıyna túsinistikpen qarańyzdar

<p>ASTANA. KAZINFORM &ndash; Búgin Úkimet otyrysynda Premer-Mınıstr Oljas Bektenov sý tasqyny saldarynan turǵyndardyń baspanasy men múlkine kelgen zalaldy baǵalaý jumysyn osy aptada aıaqtaýdy tapsyrdy.</p>

«Kórip otyrǵanymyzdaı, jumys qarqyny keıbir óńirde tómen. Jumys baıaý júrip jatyr. Mysaly, Batys Qazaqstan, Aqtóbe oblystarynda. Sondyqtan ákimdikterge Ónerkásip mınıstrligimen birge turǵyndardyń baspanalary men múlikterine keltirilgen zalaldy baǵalaý jumystaryn osy aptanyń sońyna deıin aıaqtaýdy tapsyramyn. Azamattarymyzdyń qıyn jaǵdaıyna túsinistikpen jáne jan-jaqty muqııat qarańyzdar. Jumystardy keshiktirmeı barynsha tezdetý kerek», - dedi Oljas Bektenov. 

Sonymen qatar ol orynbasary Qanat Bozymbaevqa osy jumysty qatań baqylaýda ustaýdy tapsyrdy.