Sý tasqynynan zardap shekkenderge ótemaqy tóleýde jedeldik qajet - Premer

<p>ASTANA. KAZINFORM &ndash;&nbsp;Premer-Mınıstr Oljas Bektenov sý tasqynynan zardap shekken azamattarǵa keltirilgen zalaldy óteý máselesi boıynsha keńes ótkizdi. Jıynda qarjy mınıstri Mádı Takıev pen ónerkásip jáne qurylys mınıstri Qanat Sharlapaevtyń baıandamalary tyńdaldy.&nbsp;Bul týraly Úkimettiń baspasóz qyzmeti málim etti.</p> <!-- [if !supportLineBreakNewLine]--> <p></p> <!--[endif]-->

Búgingi tańda zardap shekken 3 561 otbasyna joǵalǵan múlki úshin 100 AEK mólsherinde birjolǵy ótemaqy túrinde shamamen 1 mlrd teńge tólendi. Zardap shekkenderge ótemaqy tóleý protsesi osy apta sońyna deıin aıaqtalady. 
Baspanasynan aıyrylǵan turǵyndar úshin zardap shegýshiniń óz tańdaýy boıynsha jańa úıler salynady nemese naryqtan daıyn baspana satyp alynady. Saıajaı boıynsha, eger olar zardap shekken adamnyń jalǵyz úıi bolsa, osyndaı tetik qoldanylatyn bolady.

Foto: primeminister.kz

Keńeste sý tasqyny saldarynan zardap shekken óńirlerdiń ákimderi keltirilgen zalaldy óteý boıynsha júrgizilip jatqan jumystardyń aǵymdaǵy nátıjeleri týraly baıandady. Máselen, Pavlodar oblysynda demeýshilermen birge 119 úı boıynsha zalal ótelip, turýǵa jaramsyz 5 úıdiń qurylysy bastaldy. Qostanaı oblysynda zardap shekkender úshin 27 páter satyp alyndy, 1 600 otbasyna áleýmettik kómek tólendi. Arqalyq qalasynda otbasylar erteń 18 sáýir kúni jańa úıge qonystanady. Aqtóbe oblysynda 44 otbasyna 94,3 mln teńge kóleminde materıaldyq shyǵyn óteldi; 57 jańa úıdiń qurylysy bastaldy. 

Foto: primeminister.kz

Ákimdikterdiń jedel derekteri boıynsha búginde zardap shekken úıler sany – 9 627, onyń ishinde 9 610 jeke, 17 kóppáterli turǵyn úı. 2 123 úıge júrgizilgen tehnıkalyq tekserý nátıjelerine sáıkes 1 067 úı qalpyna keltirýge jatpaıtyny anyqtaldy, al 1 056 úıge jóndeý jumystaryn júrgizýge ruqsat etilgen. 
Zardap shekken turǵyn úılerge keltirilgen zalaldy baǵalaý jumystary jalǵasyp jatyr. Úkimet basshysy bul aldyn ala jasalǵan derekter ekenin jáne birqatar óńirdegi kúrdeli sý tasqyny jaǵdaıyn eskere otyryp, shyǵyn aýqymy arta túsýi múmkin ekenin atap ótti. 

«Prezıdent sý tasqynynan zardap shekken azamattardyń barlyǵyna barynsha kómek kórsetýdi basty mindet etip qoıdy. Sý tartylǵan óńirlerde ákimdikter zardap shekken azamattardyń, joǵalǵan nemese búlingen múlikterdiń tizimin jasaý jáne baǵalaý jumystaryn aıaqtap, shyǵyndardy óteýge kirisýi kerek. Bul rette, tizimge úıleri saý, eshqandaı zardap shekpegen adamdar kirip ketpeýge tıis. Komıssııalardyń jumysyn eshqandaı bıýrokratııaǵa salmaı, jedel uıymdastyrý qajet. Barlyq tıisti qyzmetter jumylyp, kúsheıtilgen rejımde jumys istesin», — dep atap ótti Oljas Bektenov.

Zardap shekken óńirler ákimdikterine jaýapty tulǵalardy jekelegen ýchaskelerge bekite otyryp, sý basqan ǵımarattardy tehnıkalyq tekserý jumystaryn jedel aıaqtaý, jobalardy jergilikti jerge baılanystyrý úshin tez arada jańa jer telimderin anyqtaý tapsyryldy. Premer-Mınıstr yqtımal sý tasqynynan barynsha qaýipsiz, damý perspektıvasy joǵary jáne ınfraqurylymmen qamtamasyz etilgen daıyn ýchaskelerdi paıdalanýdy basymdyq retinde belgiledi.