Oljas Bektenov ShQO-daǵy otandyq farmatsevtıka óndirisimen tanysty
18:08, 19 Shilde 2024
<p>ASTANA. KAZINFORM - Úkimet basshysy Oljas Bektenov Shyǵys Qazaqstan oblysyna jumys sapary aıasynda «TAKURRA» JShS medıtsınalyq tehnıka jáne medıtsınalyq buıymdar óndiretin otandyq zaýyttyń áleýetimen tanysty.</p>
Otandyq kompanııa – TMD aýmaǵynda joǵary dáldiktegi avtomatty IHL (ımmýnohemılıýmınestsentti) analızatorlarynyń jalǵyz óndirýshisi. Qandy zertteýge arnalǵan quraldyń kómegimen 14 mınýt ishinde birden 20 kórsetkish boıynsha nátıje alýǵa jáne 150-den astam aýrýdy erte kezeńinde anyqtaýǵa bolady. Zaýyttyń óndiristik qýaty – 360 analızator men 1,5 mln reagent jıyntyǵyn quraıdy.
Premer-Mınıstrge «TAKURRA» JShS bas dırektory Andreı Kaızer kompanııanyń memlekettik aýrýhanalardaǵy sheteldik analızatorlardy otandyq analızatorlarmen aýystyrýǵa daıyn ekeni týraly habarlady.
«Memleket basshysy satyp alýdaǵy qazaqstandyq qamtýdy jáne otandyq taýar óndirýshilermen ofteık-kelisimsharttar úlesin arttyrý mindetin qoıdy. Biz ımportty almastyrýǵa umtylamyz. Densaýlyq saqtaý mınıstrligine otandyq analızatorlar úlesin birtindep arttyrý boıynsha taldaý júrgizip, máseleni zerdeleýdi tapsyramyn», — dep atap ótti Oljas Bektenov.Úkimet basshysyna qazirgi modýldik avtomattandyrylǵan PTR-synaq júıesin iske qosý jáne otandyq óndiristegi medıtsınalyq buıymdardy shyǵarý josparlary týraly da baıandaldy.