Oljas Bektenov Petropavl JEO-syn jańartý barysyn tekserdi

<p>PETROPAVL. KAZINFORM &ndash; Premer-Mınıstr Oljas Bektenov Soltústik Qazaqstan oblysyna jumys sapary aıasynda kommýnaldyq-energetıkalyq sektordy jańǵyrtý jáne jol-kólik ınfraqurylymyn damytý barysymen tanysty. Bul týraly Úkimettiń baspasóz qyzmeti habarlady.</p> <!-- [if !supportLineBreakNewLine]--> <p></p> <!--[endif]-->

«Sevkazenergo» AQ-nyń Petropavl 2-JEO-syn aralaý kezinde turǵyndardy jylý energııasymen sapaly jáne úzdiksiz qamtamasyz etý máselesine nazar aýdaryldy.
Petropavl 2-JEO jabdyǵynyń 57,3%, Soltústik-Qazaqstan ETK jabdyǵynyń 96,6%, jylý jelileriniń 77,5%-nyń tozyǵy jetken, qazirgi tańda jańǵyrtý jumystary júrgizilip jatyr.

2024 jyly ınvestıtsııalyq jáne jóndeý naýqany aıasynda Petropavl 2-JEO-da 17,6 mlrd teńgeniń jumysyn júrgizý josparlanyp otyr. 2027 jylǵa deıin 739 shaqyrym elektr jelileri men 240 qosalqy stantsııa salý úshin jyl saıyn bıýdjetten 4 mlrd teńgeden qarajat bólý kózdelip otyr.  

Foto: Úkimettiń baspasóz qyzmeti

«Kúzgi-qysqy kezeńniń qalypty ótýi, sondaı-aq halyqty jylý jáne elektr energııasymen tıisti deńgeıde qamtamasyz etý erekshe baqylaýda. Stantsııada josparlanǵan jóndeý jumystaryn ýaqytyly jáne tolyq oryndap, osy jyldyń sońyna deıin jańa tútin murjasynyń qurylysyn aıaqtaý qajet. Úkimet tarapynan eń mańyzdy jobalardy qarjylandyrý boıynsha qoldaý kórsetiletin bolady», - dedi Oljas Bektenov.

Petropavldaǵy Ýnıversalnaıa kóshesi boıyndaǵy jol ótpesiniń qurylys alańynda Úkimet basshysyna jumysshy kentinen qalanyń ortalyq bóligine shyǵatyn jalǵyz jol ótpesiniń apatty jaǵdaıda bolýyna baılanysty ótken jyly oǵan japsarlas kópirdiń qurylysy bastalǵany týraly baıandaldy.

Oljas Bektenov jol-kólik ınfraqurylymy Úkimet jumysynyń basymdyqtarynyń biri ekenin atap ótti. Bıyldyń ózinde óńirde respýblıkalyq jáne jergilikti mańyzy bar ortaq paıdalanylatyn avtojoldardy salýǵa jáne jóndeýge 39 mlrd teńgeden astam qarajat bólindi.