Oljas Bektenov pen Abdýlla Arıpov Almatydaǵy kólik jáne tsıfrlyq ınfraqurylym nysandaryna bardy
Almaty qalasy kólik holdınginiń ókili Sadır Hamraev ONAY elektrondy bılet satý júıesin tanystyrdy. Búginde megapolıs pen aglomeratsııa halqy 3 mln-nan asady, onyń ishinde 1,7 mln jolaýshy qoǵamdyq kólikpen jylyna shamamen 444 mln ret qatynaıdy. 3 507 aıaldama, 222 burylys alańy tsıfrlandyryldy. Dıspetcherler 3 myńnan astam avtobýs pen trolleıbýstyń jumysyn táýlik boıy qamtamasyz etedi.
«Qoǵamdyq kólikte qolma-qol aqshasyz tólem júıesin engizý tasymaldaýshylardyń kirisin kóleńkeli ekonomıkadan shyǵarýǵa múmkindik berdi. 2016 jyly jol júrý aqysyna elektrondy tólem jasaý júıesi engizilgeli beri jolaýshylar tasymaly naryǵynyń kólemi 3,2 esege deıin — 31,8 mlrd teńgege artty», — delingen habarlamada.
Aıta ketý kerek, Almaty turǵyndarynyń áleýmettik kartasyn ázirleý jobasy aıasynda 15 derbestendirilgen karta túri arqyly jeńildikpen jol júrý quqyǵy bar azamattardyń sanattary tsıfrlandyryldy.
«Sonymen qatar qoǵamdyq kóliktiń ortasha paıdalaný merzimin 2016 jylǵy 13 jyldan 2023 jyldan bastap 3 jylǵa deıin qysqartý jáne jyljymaly quramdy jańartý boıynsha Qazaqstan tájirıbesi usynyldy. Bul rette jyljymaly quramnyń sany artyp keledi. Bıyl ortasha paıdalaný merzimi 2,5 jyldan aspaıtyn avtobýstar sanyn 4 myń birlikke deıin jetkizý josparlanyp otyr», — dep habarlady Úkiıettiń baspasóz qyzmeti.
Sondaı-aq qaýipsizdikti qamtamasyz etý sharalaryna nazar aýdaryldy. Metro stansalary men aıaldamalardaǵy beınekameralardyń jazbalaryn kórýge bolatyn Almaty qalasynyń Biryńǵaı beınebaqylaý júıesi tanystyryldy.
Jumys sapary barysynda taraptar bıyl naýryz aıynda ashylǵan Yandex Qazaqstan kompanııasynyń jańa keńsesine bardy. Bul — búginde ıAndekstiń Ortalyq Azııadaǵy eń úlken keńsesi. Kásiporyn belsendi túrde lokalızatsııalanýda. Qazirgi ýaqytta Qazaqstanda 750-den astam qyzmetker jumys isteıdi.
Úkimet basshylaryna qazaqstandyq paıdalanýshylar men bıznes-sektordyń qajettilikterine sáıkes beıimdelgen izdeý júıeleri, kartalar, kólik servısteri sekildi qyzmet túrleri tanystyryldy. Yandex halyqaralyq IT kompanııasy jıyntyqty tehnologııalarǵa, qazaq tilinde sóıleý sıntezine, ınternetten aqparat izdeý men jasandy ıntellektini damytýǵa ınvestıtsııa salady. Sondaı-aq «Alısamen» qazaq tilindegi ınteraktıvti áńgime tanystyryldy.
Qazaq tilinde qoıylǵan suraqtardyń 68%-y bilim berý máselesine baǵyttalǵany atap ótildi. Osyǵan baılanysty byltyr Qazaqstan jastaryna qoljetimdi bolýy úshin 15 mln maqala memlekettik tilge aýdaryldy.
Buǵan qosa, taksıdegi baǵa algorıtmine erekshe nazar aýdaryldy.
• Lumiere Hall jańa medıa salasyndaǵy mádenı-bilim berý ortalyǵynyń mysalynda kreatıvti ındýstrııany damytý máselesi talqylandy. Mýltımedııalyq mýzeı — ǵylym, tehnologııa jáne óner salalarynyń toǵysqan jobasy.
• Lumiere Hall mýltımedııalyq mýzeıiniń quryltaıshysy Polına Egarmın kórmede sırek kezdesetin kartınalar, sonyń ishinde Salvador Dalıdiń túpnusqadaǵy jumystary, sondaı-aq mýzeıdiń basqa da bilim beretin jáne mádenı bastamalary, kelýshilerge tıisti atmosfera quryp, óner álemine saıahat jasaýǵa múmkindik beretin tehnologııalar kópshilikke usynylǵanyn aıtty. Mýzeı eksponattaryn tsıfrlandyrý mádenı murany jurtshylyqqa barynsha qoljetimdi etedi.