Oljas Bektenov Pavlodar munaı-hımııa zaýytyna bardy

<p>ASTANA. KAZINFORM - QR Premer-Mınıstri Oljas Bektenov Pavlodar oblysynda munaı óńdeýdi ulǵaıtý jáne munaı-hımııa sektory kásiporyndaryn tolyq qýatyna shyǵarý jónindegi sharalarmen tanysty. Bul týraly Úkimettiń baspasóz qyzmeti málimdedi.</p>

Úkimet basshysy Pavlodar munaı-hımııa zaýytyna baryp, onyń qazirgi jumysymen jáne óndiristi odan ári jańǵyrtý josparlaryn nazarǵa aldy.

Basym jobalardyń biri – tehnologııalyq qondyrǵylar jumysynyń toqtaýsyz jóndeýaralyq kezeńine kóshý.

Búgingi tańda PMHZ jylyna shamamen 6 mln tonna munaı óńdeıdi. 

Foto: Úkimettiń baspasóz qyzmeti

Shyǵarylatyn ónimderdiń ishinde avtomobıl benzıniniń ártúrli markalary, dızel otyny, mazýt, bıtým, kommýnaldyq-turmystyq gazdar jáne t.b. bar.

Oljas Bektenovtiń aıtýynsha, Memleket basshysy Qasym-Jomart Toqaev ishki naryqty otynmen qamtamasyz etý boıynsha Úkimet aldyna naqty mindetter qoıdy.

Osyǵan baılanysty munaı óńdeý zaýyttary munaı ónimderiniń búkil jelisi boıynsha óndiris kólemin ulǵaıtý úshin barlyq sharalar keshenin iske asyrýy qajet.

Otandyq ekonomıkany damytý úshin jol qurylysynyń mańyzyn eskere otyryp, PMHZ-da bıtým óndiretin peshtiń qurylysy aıaqtaldy, bul onyń óndirisin 15%-ǵa arttyrýǵa múmkindik berdi.

Premer-Mınıstr zaýyt basshylyǵyna jumys qarqynyn arttyrý qajet ekenin, bul rette memleket tarapynan qoldaý kórsetiletinin atap ótti. Sonymen qatar Úkimet basshysy usaqtalǵan polıpropılen jáne basqa da polımer buıymdaryn shyǵaratyn «Neftehım LTD» kásipornynyń jumysymen tanysty.

Munda PMHZ-dan jetkiziletin suıytylǵan munaı gazyn óńdeýden bastap daıyn ónimge deıin óndiristiń tolyq tsıkli júzege asyryldy.

Ol ishki naryqta, sondaı-aq Qyrǵyzstanda, Reseıde, Tájikstanda jáne Ózbekstanda joǵary suranysqa ıe.

Oljas Bektenov Pavlodar oblysynda munaı-hımııa klasterin damytý úshin barlyq jaǵdaı jasalǵanyn atap ótti.