Oljas Bektenov: Ortalyq Azııada júk tranzıtiniń básekesi artyp keledi

<p>ASTANA. KAZINFORM &ndash; Premer-mınıstr Oljas Bektenov Úkimet otyrysynda Qytaı men Eýropanyń arasyndaǵy júk tranzıtine qyzmet kórsetý úshin Ortalyq Azııanyń óz ishinde báseke órshı bastaǵanyn aıtty.&nbsp;</p>

«Qyrkúıek aıyndaǵy Memleket basshysynyń Túrkmenstan eline sapary barysynda qol qoıylǵan kelisim osy el arqyly tranzıttik tasymaldy arnaıy ruqsatsyz júzege asyrýǵa múmkindik beredi. Memleket basshysy Qazaqstandy tolyqqandy kólik-logıstıkalyq habqa aınaldyrý baǵytynda naqty mindetter qoıdy. Alǵa qoıylǵan maqsattarǵa jetý úshin biz qoldanystaǵy temirjol men logıstıkalyq ortalyqtardy jańǵyrtyp, jańalaryn salyp jatyrmyz. Sondaı-aq vagon parkin jańartý jumystary da turaqty júrýde. Qabyldanǵan sharalardyń nátıjesinde 2029-shy jylǵa qaraı tranzıttik tasymal kólemi 28 mln tonnadan 45 mln tonnaǵa deıin, al tranzıt jıyrma fýttyq balamadaǵy 2 mln konteınerge deıin ósedi», - degen Úkimet basshysy saladaǵy problemalarǵa da toqtaldy.

Premer-mınıstr bul salada Ortalyq Azııa elderiniń óz arasynda báseke ósip kele jatqanyna erekshe toqtaldy. 

«Ortalyq Azııa elderiniń kópshiligi óz ınfraqurylymyn damytyp, halyqaralyq kólik baǵyttaryndaǵy oıynshylardyń qatarynan oryn alýǵa talpynyp otyr. Sondyqtan el aýmaǵyndaǵy ınfraqurylym múmkindikterin arttyra túsýimiz kerek. Kedergiler men shekteýlerdi alyp tastap, «Shyǵys-Batys» baǵytyndaǵy tranzıttik tasymal kólemin ulǵaıtý qajet», - dedi Oljas Bektenov.