Oljas Bektenov MÁMS júıesin qalaı reformalaıtynyn aıtty

<p>ASTANA. KAZINFORM &ndash; Premer-Mınıstr Oljas Bektenov Prezıdent tapsyrmalaryn iske asyrýǵa arnalǵan keńeste qurylys qunyn qoldan ósirý faktilerine tekserý jasalatynyn aıtty.</p>

«Barlyq smetalyq qujattarǵa qazaqstandyq qurylys materıaldary men basqa da zattar engizilýge tıis. Sondaı-aq smetalyq qujattamalarǵa materıaldar men jumystardyń qunyn orynsyz joǵarylatyp jiberýge qatysty tekserý júrgizińizder. Smetalardyń quny kóterilip ketetini barshaǵa málim. Bul máselede de tártip ornatý kerek», - dedi Oljas Bektenov.

Úkimet basshysy ónerkásip kásiporyndaryn energııamen senimdi túrde qamtamasyz etýdiń mańyzdy ekenin atap ótti. Bıyl 700 MVt-tan astam qosymsha generatsııany iske qosý qajet ekeni de aıtyldy. Oljas Bektenov tapsyrma oryndalmaǵan jaǵdaıda tıisti qorytyndylar jasalatynyn eskertti.

Sondaı-aq, ol MÁMS júıesin reformalaý qalaı iske asý kerektigin aıtty.

«MÁMS júıesi eleýli qaıta formattaýdy qajet etedi dep sanaımyn. Qarajatty tıimsiz jumsaý men artyq jalǵan tirkeýler bola tura ony qarjylandyrýdy ulǵaıtýǵa jol berilmeıdi. Sala tolyq tsıfrlandyrý men ashyqtyqty talap etedi», — dedi Premer-Mınıstr.