Oljas Bektenov Qulsary turǵyndarymen júzdesti
Memleket basshysynyń tapsyrmasy boıynsha Premer-Mınıstr, Sý tasqynyna qarsy is-sharalardy úılestirý jáne sý tasqyny kezeńiniń saldaryn joıý jónindegi respýblıkalyq shtabtyń jetekshisi Oljas Bektenov Atyraý oblysyndaǵy aǵymdaǵy jaǵdaıdy tekserdi. Ol aýmaqty tikushaqpen aralap, ózen jaǵalaýlaryn nyǵaıtý jumystarynyń barysyn qarady.
«Oljas Bektenov Qulsary qalasynyń turǵyndarymen sóılesip, olardyń qabyldanyp jatqan sharalardy kúsheıtý boıynsha suraqtaryna jaýap berdi. Sondaı-aq Jaıyq jáne Jem ózenderindegi jaǵdaımen tanysty» — delingen habarlamada.
Jylyoı jáne Qyzylqoǵa aýdandarynda jergilikti aýqymdaǵy tabıǵı sıpattaǵy TJ rejımi saqtalyp otyr.
Búginde Qyzylqoǵa aýdanyndaǵy Mııaly, Aqqora, Jangeldın, Jasqaırat jáne Kózdiqara aýyldarynda qaýip-qater seıildi.
Aqtóbe oblysy Oıyl aýdany jaǵynan Jem ózeni deńgeıiniń kóterilýine baılanysty Jylyoı aýdany Qulsary qalasyn sý basqan.
28 551 adam evakýatsııalandy.
Óńirde keletin sý azaıtý kólemin azaıtý úshin Jem ózeniniń saǵasy úsh jaǵynan qazyldy, sondaı-aq Jem ózeniniń boıynda ornalasqan jasandy bógetter buzyldy.
Bul ózen arnasynyń baǵytyn ózgertýge jáne sýdyń kedergisiz aǵýyn qamtamasyz etýge, onyń Kaspıı teńizine qaraı ótkizý qabiletin ulǵaıtýǵa jáne sý tasqyny qaýpin azaıtýǵa múmkindik beredi.
Óz kezeginde turǵyndar men volonterler turǵyn úı sektoryn sý basýyna jol bermeý boıynsha jumystar júrgizip jatyr.