Oljas Bektenov Qorǵanys mınıstrine TJM-ǵa kómek kórsetýdi tapsyrdy

<p>ASTANA. KAZINFORM &ndash; Premer-Mınıstr Oljas Bektenov Qorǵanys mınıstrligine sý tasqynyna baılanysty Tótenshe jaǵdaılar mınıstrligine kómek kórsetýdi tapsyrdy.</p>

Úkimet otyrysynda Premer-Mınıstr eldegi sý tasqynyna baılanysty ahýal jaıynda baıandama jasaǵan Tótenshe jaǵdaılar vıtse-mınıstri Baýyrjan Syzdyqovqa: «Kerek bolǵan jaǵdaıda qosymsha reýrstardy, kúshterdi jumyldyrýǵa daıynsyzdar ma?» dep suraǵan edi. Saýalǵa jaýap bergen vıtse-mınıstr daıyn ekendikterin atap ótti.

«Dál solaı. Qazirgi ýaqytta 11 myńnan astam adam jumys istep jatyr jáne 4 myńnan astam tehnıka jumyldyrylǵan. Eger qosymsha qajet bolsa, Qorǵanys mınıstrliginen de kómek suraıtyn bolamyz», - dedi Baýyrjan Syzdyqov.

Osy oraıda Úkimet basshysy Qorǵanys mınıstri Rýslan Jaqsylyqovqa TJM-ǵa kómek kórsetýdi tapsyrdy.

«Sizge Tótenshe jaǵdaılar mınıstrligine barlyq qajetti kómek kórsetýdi tapsyramyn. Tehnıkalyq kómekpen birge jeke qurammen de járdem kórsetińizder», - dedi Oljas Bektenov.