Oljas Bektenov Investıtsııalyq ahýaldy jaqsartý jónindegi keńestiń otyrysyn ótkizdi

<p>ASTANA. KAZINFORM &ndash; QR Premer-Mınıstri Oljas Bektenovtiń tóraǵalyǵymen ınvestıtsııalyq ahýaldy jaqsartý jónindegi keńestiń otyrysy ótti. Onda salyq zańnamasyn jetildirý, básekelestikti damytý jáne sybaılas jemqorlyqqa qarsy kúres jónindegi halyqaralyq standarttardy engizý máseleleri talqylandy, dep habarlaıdy Úkimettiń baspasóz qyzmeti.</p> <!-- [if !supportLineBreakNewLine]--><!--[endif]-->

Qazaqstan Úkimeti eldiń ınvestıtsııalyq tartymdylyǵyn odan ári jaqsartý úshin júıeli jumys júrgizip jatyr. Qazirgi ýaqytta jańa Salyq kodeksi ázirlenip jatyr. Onyń aıasynda ákimshilendirýdiń servıstik modeli engiziletin bolady. Osylaısha, salyq tóleýshige tirkeýden bastap, ony esepten shyǵarýǵa deıin fıskaldyq kómek kórsetiledi. Nátıjesinde eldegi salyq eseptiligi 30%-ǵa, salyq boıynsha tólemder sany 20%-ǵa qysqarady dep josparlanǵan. Bul rette bıznes úshin yntalandyratyn tıimdi jeńildikter saqtalatyn bolady. 

Foto: Úkimettiń baspasóz qyzmeti

Qazaqstanda básekelestikti qorǵaý men damytýdyń 2026 jylǵa deıingi tujyrymdamasy iske asyrylyp jatyr. Oǵan sáıkes memlekettiń ekonomıkadaǵy úlesin 2025 jylǵa qaraı 14%-ǵa deıin tómendetý kózdelgen.Sonymen qatar sybaılas jemqorlyq táýekelderimen kúres boıynsha belsendi jumys júrgizilip jatyr. 

Beınekonferentsbaılanys júıesi boıynsha otyrys barysynda Qazaqstandaǵy Amerıkalyq saýda palatasynyń atqarýshy dırektory Dorıs Bredberı, Kanadanyń QR-daǵy Tótenshe jáne Ókiletti elshisi Alan Hamson, Eýropalyq Odaqtyń elshisi Kestýtıs ıAnkaýskas, EYDU Sybaılas jemqorlyqqa qarsy jelisiniń dırektory Olga Savran, sondaı-aq sheteldik ınvestor-kompanııalardyń jáne memlekettik organdardyń basshylary sóz sóıledi.

Otyrysty qorytyndylaı kele, Úkimet basshysy barlyq aıtylǵan usynystardy zerdeleýdi tapsyrdy. Qolaıly ınvestıtsııalyq klımat Qazaqstanda ekonomıkany sapaly jańǵyrtý boıynsha reformalardy júrgizýde mańyzdy ról atqarady. Adal básekelestikti kúsheıtý, jeke menshikti qorǵaý jáne demonopolızatsııalaý máseleleri erekshe baqylaýda.

«Memleket basshysy árdaıym eldiń ınvestıtsııalyq ahýalyn jaqsartý qajettigine erekshe nazar aýdarady. Úkimet elimizge adal jáne ashyq bıznes júrgizýge kelgenderdiń barlyǵyna senimdi ınvestıtsııalyq seriktes bolýǵa daıyn. Biz óndiristi keńeıtýge, lokalızatsııany ulǵaıtýǵa, elimiz úshin mańyzdy jańa jobalardy iske asyrýǵa qoldaý kórsetýge nıettimiz», - dedi Premer-Mınıstr Oljas Bektenov.