Oljas Bektenov Eýropalyq Odaq elderi ókilderimen sý resýrstaryn basqarý máselesin talqylady
Qazaqstan Úkimetiniń basshysy elimizde bolǵan kúrdeli sý tasqyny jaǵdaıy aıasynda turaqty sý ınfraqurylymyn damytý úshin EO elderimen áriptestikti keńeıtýdiń mańyzdylyǵy men qajettiligin atap ótti.
«Tabıǵı apattyń aýqymy men saldary bizden resýrstardy durys paıdalaný jáne bolashaqta osyndaı jaǵdaılardyń aldyn alý úshin túbegeıli jańa tásilder qabyldaýdy talap etedi. Bul máselede bizdi Eýropa elderi men kompanııalarynyń ozyq tájirıbeleri men ázirlemeleri erekshe qyzyqtyrady. Qazaqstan Úkimetiniń kúsh-jigerin Eýroodaqtyń qoldaý baǵdarlamalarymen úılestirý mańyzdy», - dep atap ótti Oljas Bektenov.
Búgingi tańda QR Úkimeti Sý resýrstaryn basqarý júıesin damytý tujyrymdamasyn qabyldady. Ony júzege asyrý nátıjesinde sýdy tasymaldaýda ysyrap azaıady, sýarmaly jerlerdiń jaǵdaıyn baqylaý júıesi jetildiriledi, sondaı-aq tótenshe jaǵdaılardyń týyndaý qaýpin azaıtý úshin gıdrotehnıkalyq qurylystar jańǵyrtylady.
«Sý máselesi – Ortalyq Azııamen yntymaqtastyǵymyzdyń basymdyǵy. Basqa tabıǵı resýrstar sııaqty, sýdy tıimdi paıdalaný úshin onyń quny bolýy kerek. Bul tıimdi tehnologııalardy engizýge túrtki bolady jáne kóptegen eýropalyq kompanııalar osy baǵytta jumys isteýge daıyn», - dedi Kestýtıs ıAnkaýskas. Sondaı-aq ol sý basseınderi men ózenderdi turaqty basqarý salasyndaǵy bilim men tehnologııanyń berilýin qamtamasyz etýge daıyn ekenin rastady.
Germanııa-Qazaqstan agrarlyq-saıası dıalogynyń jetekshisi doktor Olga Hýnger sý resýrstaryn únemdeý Germanııanyń da, Qazaqstannyń da aýyl sharýashylyǵy salasy úshin irgeli baǵyt ekenin atap ótti. Osyǵan baılanysty sýarý tehnologııasyna jasandy ıntellekt engizý salasyndaǵy bilim men ınnovatsııa transfertiniń, topyraqtyń qunarlylyǵy men ylǵaldylyǵyn saqtaý maqsatynda óńdeýdiń jańa ádisterin qoldaný keleshegi zor. Sonymen qatar kezdesýge qatysýshylar aǵyndy sýlardy tazartýǵa ınnovatsııalyq tehnologııalardy engizý salasyndaǵy Shvetsııanyń, al Vengrııanyń ozyq agrotehnologııalarǵa, onyń ishinde tuqym sharýashylyǵyna kóshý boıynsha tájirıbesin talqylady.
Otyrys qorytyndysy boıynsha QR Úkimetiniń basshysy Oljas Bektenov sý resýrstary máselesi aýyl sharýashylyǵyn damytýdyń tıimdiligine tikeleı áser etetinin atap ótti. Sondyqtan Qazaqstannyń EO elderimen ózara is-qımyly eki baǵytta da qarqyndy jáne qatar júrgizilýi kerek.
«Memleket basshysy Qasym-Jomart Toqaev Úkimetke agroónerkásip keshenin damytý jáne sý resýrstaryn utymdy paıdalanýdy qamtamasyz etý mindetin qoıdy.Aýyl sharýashylyǵy jáne tamaq ónerkásibi ekonomıkamyzdyń mańyzdy salalarynyń biri bolyp tabylady. Bizde joǵary sapaly jáne organıkalyq aýylsharýashylyq ónimderin, sondaı-aq azyq-túlik ónimderin óndirýge úlken áleýet bar. Biz EO naryǵyna azyq-túlik eksportyn arttyrýǵa múddelimiz. Eýropalyq kompanııalardyń ozyq agrotehnologııalaryn eskere otyryp, sizderdi aýyl sharýashylyǵy ónimderin óndirý jáne qaıta óńdeý boıynsha birlesken jobalar jasaýǵa shaqyramyz. Biz óz tarapymyzdan bıznesti júrgizýge qolaıly jaǵdaı jasaý úshin bar kúsh-jigerimizdi salýǵa daıynbyz», - dedi Oljas Bektenov.