Oljas Bektenov Eýrazııalyq damý banki Keńesiniń otyrysyn ótkizdi

<p><strong>ASTANA. KAZINFORM &ndash; Qazaqstan Respýblıkasynyń Premer-Mınıstri Oljas Bektenov Banktiń jyldyq jınalysy aıasynda Eýrazııalyq damý banki Keńesiniń (EADB) otyrysyn ótkizdi. Onda uıymnyń 2023 jylǵy jumysynyń qorytyndylary qaraldy, sondaı-aq odan ári kópjaqty damý boıynsha birqatar sheshim qabyldandy.&nbsp;</strong></p>

EADB basqarma tóraǵasy Nıkolaı Podgýzov 2023 jyly Bank qarjylyq turaqtylyqty saqtap, operatsııalar aımaǵyndaǵy jetekshi damý ınstıtýty retindegi rólin kúsheıtkenin atap ótti.

Jyldyq ınvestıtsııa kólemi $1,7 mlrd qurady. Esepti jyly bank «jasyl ınvestıtsııalar» salasyndaǵy jumysty ulǵaıtty – aǵymdaǵy ınvestıtsııalyq portfeldegi jasyl jobalardyń kólemi jyl qorytyndysy boıynsha $600 mln-nan asty. Alǵashqy eki jyldyń qorytyndysy boıynsha Investıtsııalar boıynsha 2022-2026 strategııasynyń kórsetkishin oryndaý 140%-dy qurady.

Banktiń 18 jyldyq jumysynda jınaqtalǵan ınvestıtsııalyq portfel $14,7 mlrd-qa jetti, al jobalardyń jalpy sany – 285.

Negizgi úlesti kólik ınfraqurylymy, tsıfrlyq júıeler, jasyl energetıka, aýyl sharýashylyǵy, ónerkásip jáne mashına jasaý salalaryndaǵy ıntegratsııalyq áseri bar jobalar quraıdy. 

Anyqtama: Eýrazııalyq damý banki – Eýrazııalyq keńistikte ınvestıtsııalyq qyzmetti júzege asyratyn halyqaralyq qarjy uıymy. 18 jyldan astam ýaqyt boıy EADB ekonomıkalyq baılanystardy nyǵaıtýǵa, keńeıtýge jáne qatysýshy elderdiń jan-jaqty damýyna járdemdesip keledi. EADB-nyń jarǵylyq kapıtaly – $7 mlrd. Bank óz qyzmetinde BUU-nyń Ornyqty damý salasyndaǵy maqsattaryn jáne ESG qaǵıdattaryn basshylyqqa alady.