Energetıka jáne kommýnaldyq sektordy jańǵyrtý jobasyn jyl sońyna deıin ázirleý mindetteldi

<p>ASTANA. KAZINFORM &ndash; Energetıka jáne kommýnaldyq sektorlardy jańǵyrtý jónindegi ulttyq joba ázirlenip jatyr. Bul týraly Úkimet otyrysynda Premer-Mınıstr Oljas Bektenov aıtty.</p>

«Keıbir óńirlerde tehnologııalyq buzýshylyqtar tirkelgenin bilesizder. Osy turǵyda shuǵyl sharalar qabyldap, halyqty habardar etý mańyzdy. Kúndelikti problemalardy sheshýmen qatar, turǵyn úı-kommýnaldyq sharýashylyq salasyn odan ári damytý úshin bizdiń naqty josparlarymyz bar. Energetıka jáne kommýnaldyq sektorlardy jańǵyrtý jónindegi ulttyq joba ázirlenip jatyr», - dedi Úkimet basshysy.

Oljas Bektenovtiń atap ótýinshe, bul ınjenerlik jelilerdiń tozýyn tómendetýge, ınfraqurylymdy kólemdi jańartýǵa jáne avarııalar qaýpin azaıtýǵa múmkindik beredi. 

«Memleket basshysy bizdiń aldymyzǵa osyndaı strategııalyq mańyzdy mindet qoıdy, ony naqty oryndaý qajet. Ulttyq ekonomıka mınıstrligine múddeli memlekettik organdarmen birlesip, osy jyldyń sońyna deıin Ulttyq jobany ázirleýdi aıaqtaýdy tapsyramyn», - dedi Premer-Mınıstr.