Oljas Bektenov eńbek naryǵyndaǵy problemalar men qıyndyqtardy atady
«Memleket basshysy bıyl shamamen 1 mln adamdy jumysqa ornalastyrý mindetin qoıdy. Muny ulttyq jobalar, sondaı-aq oblystardyń ınvestıtsııalyq jobalary jáne jeke bastamalar aıasynda júzege asyrý kerek. Bıyl jyl basynan beri 353 myńǵa jýyq adam jumysqa ornalastyryldy. Bul – jospardyń tek 37 paıyzy. Kórip otyrǵanymyzdaı, ákimdikter jumysty aıtarlyqtaı kúsheıtýi qajet», - dedi Úkimet basshysy.
Premer-Mınıstrdiń aıtýynsha, búgingi tańda eńbek naryǵy birqatar problemalar men qıyndyqtarǵa tap bolyp otyr. Olar keshendi tásildi qajet etedi.
«Olardyń qatarynda eńbek ónimdiliginiń tómendigin, jumysshylardyń kásiptik deńgeıiniń sáıkes kelmeýin, beıresmı jumyspen qamtý úlesiniń, ásirese aýyldyq jerlerde, joǵary ekenin atap ótýge bolady. Bıznes kóbinese tıisti biliktiligi bar kadrlardy taba almaıdy. Osy problemalardy sheshý maqsatynda byltyr Eńbek naryǵyn damytýdyń 5 jylǵa arnalǵan túbegeıli jańa tujyrymdamasy qabyldandy. Onyń negizgi maqsaty adamı kapıtaldy damytý, ónerkásiptiń barlyq salalarynda, aýyl sharýashylyǵynda, saýdada jáne qyzmet kórsetý salasynda sapaly jumys oryndaryn qurý bolyp tabylady. Tujyrymdama aıasynda iske asyrylatyn barlyq jobalar boıynsha turaqty jumys oryndaryn kóbirek qurý qajet», - dedi Oljas Bektenov.