Oljas Bektenov ekonomıkanyń 6% ósimin qamtıtyn jospar ázirleýdi tapsyrdy

<p>ASTANA. KAZINFORM &ndash; Úkimet basshysy Oljas Bektenov Ulttyq ekonomıka mınıstrligine ekonomıkany damyta túsýdiń jańa josparyn ázirleýge bir aı ýaqyt berdi.</p>

«Áriptester, eń kemi 6% deńgeıinde turaqty ekonomıkalyq ósýdi qamtamasyz etý Úkimettiń bıylǵa jáne orta merzimdi kezeńge arnalǵan basym mindeti bolyp qala beredi. Osyǵan baılanysty memlekettik qoldaý sharalaryn, sondaı-aq jańa jáne iske asyrylyp jatqan jobalardyń salalardy damytýǵa qosatyn úlesin eskere otyryp, elimizdiń áleýmettik-ekonomıkalyq damý boljamynyń parametrlerin qaıta qaraý qajet», - dedi Oljas Bektenov Úkimet otyrysynda. 

Onyń aıtýynsha, Úkimet nátıjeli jumys istep, ekonomıkanyń barlyq salasyn tıimdi úılestirýi kerek.

«Ulttyq ekonomıka mınıstrligine salalyq memlekettik organdarmen birlesip, bir aı merzimde bıyl 6% deńgeıinde ekonomıkalyq ósimdi qamtamasyz etý jónindegi birinshi kezektegi is-qımyl josparyn ázirlep, bekitýdi tapsyramyn. Josparda qarjylaı qamtamasyz etilgen naqty ári tıimdi is-sharalar kórinis tabýy tıis», -dedi Premer-Mınıstr.