Oljas Bektenov Ekonomıkany demonopolızatsııalaý jónindegi komıssııa otyrysyn ótkizdi

<p>ASTANA. KAZINFORM &ndash;<em> </em>QR Premer-mınıstri Oljas Bektenov Ekonomıkany demonopolızatsııalaý jónindegi komıssııa otyrysyn ótkizdi, onyń sheńberinde Prezıdenttiń &laquo;Ekonomıkany yryqtandyrý jónindegi sharalar týraly&raquo; Jarlyǵyn iske asyrý máseleleri qaraldy. Bul týraly Úkimettiń baspasóz qyzmeti habarlady.</p>

Atqarylyp jatqan jumystar týraly Premer-mınıstrdiń orynbasary Nurlan Baıbazarov, Básekelestikti qorǵaý jáne damytý agenttiginiń tóraǵasy Marat Omarov, múddeli memlekettik organdar men vedomstvolar basshylary baıandama jasady.

Sonymen qatar Komıssııaǵa «Shar stansasy – Óskemen» temirjol jelisi boıynsha tasymaldaý protsesin qamtamasyz etetin «Dosjan Temir Joly» AQ kompanııasynyń qyzmeti týraly aqparat berildi. Ýákiletti organdar kompanııanyń monopolııalyq erejeni paıdalana otyryp, qyzmetterge tarıfterdi birneshe ret negizsiz kótergenin anyqtady, osyǵan baılanysty Komıssııa monopolııaǵa qarsy zańnamany eskere otyryp, tıisti tarıftik retteýdi engizý týraly sheshim qabyldady.

Sondaı-aq Komıssııa «Shet-Energo» JShS elektr energetıkasyn taratý kompanııasynyń qyzmetin taldaý nátıjelerimen tanysty. Atalǵan kompanııanyń turaqty apatty jaǵdaılarǵa jol berýine baılanysty, sondaı-aq óńir turǵyndarynyń ómiri men densaýlyǵyna zııan keltirmeý úshin kompanııanyń múlkin memleket paıdasyna rekvızıtsııalaý maqsatynda sotqa júginý týraly sheshim qabyldandy.

Sonymen qatar Komıssııa «QTJ» UK» AQ enshiles kompanııasynyń, sýmen jabdyqtaý jáne sý burý uıymdarynyń, munaı-hımııa kesheni sýbektisiniń qyzmetine qatysty máselelerdi qarady.