Oljas Bektenov densaýlyq saqtaý nysandaryn salýda qarajatty negizsiz ulǵaıtpaýdy tapsyrdy
«Kúrdeli ekonomıkalyq ahýal jaǵdaıynda kóptegen el densaýlyq saqtaý salasyna jeke ınvestıtsııalardy belsendi túrde tartýda. Medıtsına nysandaryn salýdy, jaraqtandyrýdy jáne olardy basqarýdy qamtıtyn mundaı álemdik tájirıbe jaqyn arada salanyń ınfraqurylymyn damytýda basym shara bolýy tıis. Óńirlik bóliniste mundaı ınvestıtsııalar Astana men Almaty qalalaryna, sondaı-aq Túrkistan men Atyraý oblystaryna barynsha kóp tartylǵan. Mańǵystaý, Ulytaý, Jetisý oblystaryna ınvestıtsııalar kólemi eń az tartylǵan. Atalǵan óńirlerdiń ákimderi densaýlyq saqtaý salasyna ınvestıtsııalardy belsendi tartý qajet. Osy rette kóshbasshylardyń tájirıbesin paıdalanýǵa bolady», - dedi Úkimet basshysy.
Premer-Mınıstr densaýlyq saqtaý nysandaryn salý men jańǵyrtý boıynsha barlyq is-sharalar qarajatyn neǵurlym tıimdi ári utymdy jumsaý úshin jan-jaqty taldaýdan ótkizý kerektigin basa aıtty.
«Bıýdjet shyǵystarynyń negizsiz ulǵaıýyna jol bermeý qajet. Bilýimshe, mınıstrlik óńirler tarapynan bıýdjet qarjysyn negizsiz alýdy bolǵyzbaý jónindegi jumysty bastap ketti. Aqmaral Sháripbaıqyzy, maǵan osy jumystyń qorytyndylary týraly únemi baıandap otyryńyz», - dedi Oljas Bektenov Densaýlyq saqtaý mınıstri Aqmaral Álnazarovaǵa qarata.