Oljas Bektenov baǵany turaqtandyra almaǵan ákimderdiń máselesin jeke qaraıtynyn aıtty

<p>ASTANA. KAZINFORM &ndash; Premer-mınıstr Oljas Bektenov Úkimet otyrysynda orynbasary Serik Jumanǵarınge ınflıatsııany tómendete almaǵan óńirlerdiń máselesin dereý baıandap otyrýdy tapsyrdy.</p>

«Serik Maqashuly, atalǵan máseleniń áleýmettik mańyzy zor, sondyqtan ony qatań baqylaýda ustańyz. Eger óńirler jergilikti jerde ınflıatsııany tómendetý boıynsha qajetti sharalar qabyldamasa, tıisti sheshim qabyldaý úshin maǵan dereý baıandaýyńyzdy suraımyn. Osy baǵyttaǵy jumysta turaqtandyrý qorlary, forvardtyq jáne offteık-kelisimsharttar, ónim qunyn arzandatýdy sýbsıdııalaý, baǵa turaqtylyǵyn qamtamasyz etý boıynsha saýda sýbektilerimen kelisimder jasaý sııaqty pármendi tetikterdi belsendi paıdalaný kerek», - dedi Úkimet basshysy.

Sondaı-aq, ol azyq-túlik taýarlaryn óndirýge arnalǵan basym daqyldardyń egis alqaptaryn ulǵaıtý qajettigin eske saldy.

«Ákimder deldaldyq shemalardy anyqtaý jónindegi óńirlik komıssııalar jumysynyń tıimdiligin arttyrýǵa tıis. Ortalyq jáne jergilikti atqarýshy organdarǵa baqylaýdy kúsheıtip, Inflıatsııany baqylaý jáne tómendetý jónindegi sharalar keshenin sapaly oryndaý boıynsha sharalar qabyldaýdy tapsyramyn. Josparlanǵan jáne qoldanystaǵy barlyq jobalar belgilengen merzimderde iske asyrylýǵa tıis», - dedi ol.