Oljas Bektenov: Azamattardyń tabysyn arttyrý — Úkimettiń basty maqsaty
«Memleket basshysynyń Joldaýy Úkimet pen búkil Qazaqstan qoǵamy úshin strategııalyq baǵdar bolyp tabylady. Joldaý bizge taıaý merzimge arnalǵan maqsat-mindettermen qatar nysanaly kórsetkishteri jáne ındıkatorlary belgilengen naqty is-qımyl algorıtmin aıqyndap berdi. Árbir tarmaqtyń oryndalýy qatań baqylaýda bolady. Bul rette qorytyndy nátıjege, onyń ekonomıkaǵa tıimdiligine basa nazar aýdarylady. Azamattardyń tabys deńgeıin arttyrý Úkimet jumysynyń ózgermeıtin basty maqsaty», - dedi Úkimet basshysy.
Oljas Bektenovtiń atap ótýinshe, kásipkerlikti damytý, halyqty jumyspen qamtý úshin qolaıly jaǵdaılar jasaý jáne memlekettik bıýdjetti utymdy bólý aıtarlyqtaı ekonomıkalyq órleýge qol jetkizýge múmkindik beredi.
«Bul rette Memleket basshysy atap ótkendeı, «Ekonomıka ósken saıyn áleýmettik teńsizdik azaıyp, orta tap kúsheıe túsýi kerek». Prezıdent ekonomıkanyń naqty sektoryn damytýǵa erekshe toqtalyp ótti. Bul ónerkásip, energetıka, gaz salasy, kólik kesheni, ekologııa jáne tsıfrlandyrý máselelerin qamtıdy», - dedi Premer-Mınıstr.