Oljas Bektenov avıabıletterge baǵa belgileý máselesin sheshýdi tapsyrdy
«Kólik jáne Týrızm mınıstrlikteri men ákimdikter demalys aımaqtaryndaǵy ınfraqurylym jobalarynyń aıaqtalýyn qamtamasyz etsin. Sondaı-aq «Samuryq-Qazyna» qorymen birge poıyzdar sanyn kóbeıtip, avıabıletterge baǵa belgileý máselesin sheshý qajet», - dedi Úkimet basshysy.
Sonymen qatar Premer-Mınıstr Týrızm jáne sport mınıstrligine óńir ákimdikterimen birlesip, agro jáne ekotýrızmdi damytý maqsatynda jańa jobalar ázirleýdi tapsyrdy.
«Ákimdikter jańa destınatsııa oryndary men týrısterdi tartý máselesin pysyqtaýǵa tıis. Sondaı-aq Іshki ister jáne Tótenshe jaǵdaılar mınıstrlikterimen birge týrıstik obektilerdiń jazǵy maýsymǵa daıyndyǵyn qamtamasyz etip, saıahattaýshylardyń qaýipsizdigi sharalaryn qabyldaýy qajet. Óńir ákimderine týrızm salasyn damytýdy tikeleı baqylaýǵa alýdy tapsyramyn. Barlyq máseleler Týrızm jáne sport mınıstrligimen birge shuǵyl sheshilýi qajet», - dedi Oljas Bektenov.