Oljas Bektenov Abaı oblysynyń ákimine: Jumys qarqyny joǵary bolýy kerek

<p>ASTANA. KAZINFORM &ndash; Abaı oblysynda aýyl turǵyndarynyń turmys jaǵdaıyn jaqsartý standarttarynyń deńgeıi respýblıka boıynsha eń tómen. Bul týraly Úkimet otyrysynda Premer-Mınıstr Oljas Bektenov aıtty.</p>

Otyrysta Premer-Mınıstr Abaı oblysynyń ákimi Nurlan Uranhaevtan: «Óńirde aýyl turǵyndarynyń turmys jaǵdaıyn jaqsartý standarttarynyń deńgeıi respýblıka boıynsha eń tómen. Onyń sebebi nede?», - dep suraǵan edi.

Óńir basshysynyń dereginshe, oblysta 331 eldi meken bar. Olarda 235 myń adam nemese oblys halqynyń 38,7 paıyzy turady. Ótken jyldyń qorytyndysynda oblys aýyldaryn nysan jáne qyzmettermen qamtý deńgeıi 55,4 paıyzdy qurady.

«Aýyldyq aýmaqtardy damytý tujyrymdamasyna sáıkes, 2023 jyly 2 aýyl, bıyl 3 aýyl taratyldy. Ótken jyly aýyldyq aýmaqtardy damytýǵa 35 mlrd teńgeden astam qarajat jumsaldy. «Jaıly mektep» jobasy aıasynda 14,2 mlrd teńgeni quraıtyn 1 500 oryndyq 5 mektep qurylysy júrgizilip jatyr. «Aýyldyq densaýlyqty jańǵyrtý» jobasy aıasynda bıyl 65 alǵashqy medıtsınalyq-sanıtarııalyq kómek nysany salynady. Aýyz sýmen qamtý úshin sońǵy 2 jylda 4,2 mlrd teńgege 15 joba iske asty. Bıyl 8,5 mlrd teńgege taǵy 16 nysandy iske qosý josparlanǵan. Oblys qurylǵaly «Aýyl – el besigi» baǵdarlamasy aıasynda 2022-2023 jyldary 13,8 mlrd teńge bólindi. Nátıjesinde 65 aýyldyq eldi mekende 9,1 mlrd teńgeniń 114 jobasy iske asty», - dedi Nurlan Uranhaev.

Onyń aıtýynsha, 21 áleýmettik nysan, 31 kommýnaldyq sharýashylyq nysany, 163 shaqyrym kentishilik joldar jóndeldi. Oblystyń 4 aýdany shekara mańynda ornalasqan. 42 eldi meken bar. 35 myńǵa jýyq adam turady.

14 aýyldyń áleýmettik-ınjenerlik ınfraqurylymyn damytýǵa 1,8 mlrd teńge bólinip, 18 joba iske asty. «Aýyl amanaty» jobasy arqyly byltyr 2,1 mlrd teńgege 363 shaǵyn nesıe berildi. 280 jańa jumys orny quryldy.

«Dıplommen aýylǵa» jobasymen baspana alýǵa 241 mamanǵa 1,1 mlrd teńge bıýdjettik nesıe berildi. 575 kóterme járdemaqy tólendi.

«Jalpy, oblysty damytý keshendi josparyna sáıkes, aýyldyq aýmaqtardy damytýǵa 145,2 mlrd teńge kózdelgen. Jumys kezeń-kezeńmen jalǵasady», - dedi oblys ákimi.

Osy oraıda Úkimet basshysy Oljas Bektenov Abaı oblysynyń ákimine jumys qarqyny joǵary bolýy kerektigin eskertip, belsendi qyzmet etýdi tapsyrdy.