«Óltirip jatyr»: Aqtóbelik áıeldiń habarlamasyna mán bermegen TJD qyzmetkeri sottaldy

<p>AQTÓBE. KAZINFORM &ndash; Aqtóbe oblystyq TJD Daǵdarys jaǵdaılary basqarmasy jedel kezekshisiniń kómekshisi tún ishinde &laquo;meni óltirip jatyr&raquo; degen áıeldiń sózine mán bermeı, eskerýsiz qaldyrǵany úshin sottaldy. Ol 2 jylǵa bas bostandyǵynan aıyryldy.&nbsp;</p>

№2 Aqtóbe qalalyq sotynda Qylmystyq kodekstiń «Salǵyrttyq» baby boıynsha is qaraldy. Іs materıalyna súıensek, oblystyq TJD-niń qyzmetkeri bıyl maýsym aıynda kezekshilikte otyrǵan kezde 112 nómirine habarlama túsedi. Onda iz-túzsiz joǵalyp ketken áıel «meni óltirip jatyr» dep aıtyp, kómek suraǵan. TJD kezekshisiniń kómekshisi sol túni qońyraý shalǵan adam kóp bolǵanyn, áıeldiń naqty ne aıtqanyn estimegenin aıtyp, keshirim surady. Al, memlekettik aıyptaýshy bolsa, operator habarlamaǵa mán bermeı, mekenjaıdy suraýmen shektelgenin aıtty. 

Jábirlenýshiniń ókili sottalýshydan 300 000 teńge kólemindegi materıaldyq jáne 5 000 000 teńge kólemindegi moraldyq shyǵyndardy óndirý jónindegi azamattyq talap aryz berdi. Arada medıatsııalyq kelisim boldy. 

– Sot sottalýshyny Qylmystyq kodekstiń 371-babynyń 2-bóligimen kináli dep tanyp, 2 jyl merzimge bas bostandyǵynan aıyrý jazasyn taǵaıyndady. Ol memlekettik qyzmette jáne quqyq qorǵaý organdarynda qyzmet etý quqyǵynan 3 jylǵa aıyryldy. Jábirlenýshiniń azamattyq talap aryzy qaraýsyz qaldyryldy. Aqtóbe oblystyq tótenshe jaǵdaılar departamenti bastyǵyna tıisti shara qoldaný úshin sot jeke qaýly shyǵardy. Sottyń úkimi zańdy kúshine engen joq, - dep habarlady Aqtóbe qalasy №2 sotynyń baspasóz qyzmeti. 

Aıta keteıik, Aqtóbede 9 maýsym kúni joǵalyp ketken áıeldiń denesi tabyldy. Ol 112 nómirine qońyraý shalyp, kómek suraǵan. 

Eske salsaq, Aqtóbede TJD qyzmetkeriniń qońyraýǵa mán bermeı, jumysyna salǵyrt qaraýy buǵan deıin de tirkeldi. Ol kezde anasy men balasyn óltirip ketip, tiri qalǵan qyz kómek suraǵan bolatyn.