Óltirip, esik aldyna jerlegen: Pavlodar turǵynyna sot úkimi shyqty

<p>Tanysyn óltirgen Pavlodar turǵyny 10 jylyn qamaýda ótkizedi. Ol áıeldiń máıitin úıdiń aýlasyna jerlep, 3,5 aıdan keıin kinásin moıyndap, polıtsııaǵa kelgen, dep habarlaıdy QazAqparattyń menshikti tilshisi.</p>

Oqıǵa byltyr kúzde bolǵan. 31 jastaǵy Pavlodar turǵyny ózinen jasy eki ese úlken tanysymen ishimdik iship otyryp, ekeýi áldenege kelispeı, ursysyp qalady. Sońynda úı ıesi áıeldi qylqyndyryp óltirgen.

"2 qańtarda Pavlodar qalasy polıtsııasynyń ońtústik bóliminiń kezekshi bólimshesine pavlodarlyq turǵyn kinásin moıyndap kelgen. Er adam 2022 jyldyń qyrkúıeginde 1964 jyly týǵan tanys áıeldi óltirgenin habarlady. Ol sol kúni úıinde tanysymen birge ishimdik ishkenin, keıinirek ekeýiniń arasynda janjal bolyp, ol áıeldi qylqyndyryp óltirgenin aıtty. Al máıitin ózi turyp jatqan úıdiń aýmaǵyna jerlegen", - dep málim etti Pavlodar oblystyq PD baspasóz qyzmeti.

Tergeý júrgizildi. Alqabıler qatysqan is Pavlodar oblystyq qylmystyq ister boıynsha mamandanǵan aýdanaralyq sotynda qaraldy. 31 jastaǵy er adam aldaǵy 10 jylyn qamaýda ótkizedi.