«Ólketaný» jobasy aıasynda 100-den asa týyndy jazyldy - Ulyqbek Esdáýlet

NUR-SULTAN. QazAqparat - Bul týraly Ortalyq kommýnıkatsııalar qyzmetinde ótken «Rýhanı jańǵyrý» baǵdarlamasyn iske asyrý jónindegi Ulttyq komıssııa otyrysynyń nátıjesine qatysty brıfıngte aıtyldy, dep habarlaıdy QazAqparat tilshisi.

«Bıyl «Rýhanı jańǵyrý» baǵdarlamasynyń bastalǵanyna 3 jyl bolady. Bul 3 jyl ádebıetimiz ben mádenıetimizge qubylys, serpilis ákelgen kezeń dep aıtýǵa bolady. «Rýhanı jańǵyrýdyń» arqasynda mádenıetimizdi nasıhattaýǵa arnalǵan joba - qazirgi zamanǵy úzdik antologııa shyǵarmalarymyz BUU-nyń alty tiline aýdaryldy. Osy aıdyń sońyna deıin Almaty qalasynda sol alty tomdyq kitaptyń tusaýy kesiledi dep josparlap otyrmyz, -deıdi Qazaqstan jazýshylar odaǵynyń tóraǵasy, aqyn Ulyqbek Esdáýlet.

Ol kitapty aýdarýǵa alty eldiń eń ozyq aýdarmashylary tartylǵanyn aıtty.

Sondaı-aq, ol Ulttyq aýdarma bıýrosy qazir Abaıdyń shyǵarmalaryn 10 tilge aýdarýmen aınalysa bastaǵanyn aıtty.

«Bul da «Rýhanı jańǵyrýdyń» jaqsylyǵy dep aıtýǵa bolady. Aýylda týǵan aqyn-jazýshy astanaǵa umtylady. Astanaǵa ornyǵyp alǵannan keıin óziniń týǵan aýylyna qoly jetpeı, aýyly týraly jazyp kelýge múmkindigi bolmaı júredi. «Rýhanı jańǵyrý» baǵdarlamasy arqasynda bizdiń jazýshylar «Ólketaný» degen joba arqyly el-jer aralap, ólketaný baǵytyndaǵy 110 shyǵarma jazdy. Olar qazir saraptamadan ótip, jýyq arada oqyrmandardyń qolyna tıedi. Bul jobanyń jalǵasy bolady», - dedi Ulyqbek Esdáýlet.