Olıver Stoýn: Qazaqstan – óte progressıvti el

NUR-SULTAN. QazAqparat – Álemge áıgili rejıser Olıver Stoýn ózi prodıýeserlik etken «Qazaq. Altyn adam tarıhy» atty fılminiń tanystyrylymynda Qazaqstan týraly pikirimen bólisti, dep habarlaıdy QazAqparat.

«Siz qarapaıym amerıkalyqtarǵa Qazaqstandy qandaı el dep sıpattar edińiz», - degen suraq qoıylǵan bolatyn amerıkalyq mamanǵa.

«Sizge Qazaqstandy túsiný qıyn bolýy múmkin, biraq bul álemniń bolashaǵy úshin óte mańyzdy el. Qazaqstanda talantty adamdar kóp. Bul óte progressıvti el. Ótken ǵasyrdyń 90-shy jyldarynan bastap búgingi kúnge deıin Qytaı sııaqty Qazaqstanda da úlken ózgerister bolyp jatqanyn kórip otyrmyz. Bul – úlken úlgi jáne alyp el», - dedi belgili kıno mamany.

Onyń aıtýynsha, amerıkalyq sarapshylar Qazaqstannyń áleýetin jaqsy bilip otyr.

«Amerıkalyq sarapshylar Qazaqstandy odaqtas retinde kórgisi keledi. Biraq bul bir jaǵynan Reseı men Qytaıǵa qarsy áreket bolyp kórinýi de múmkin. Sondyqtan Qazaqstan osy úderisterdiń bárinde mańyzdy ról atqarady. Qazaqstan barlyq seriktesterimen dostyq qarym-qatynasta. Men únemi aıtamyn, biz bir-birimizben kúresýdiń ornyna klımattyń ózgerýin jeńý úshin birge jumys isteýimiz kerek, teketires jaqsy nársege ákelmeıdi. Jalpy, dıplomatııa qurylymyn ózgertý kerek», -dedi Olıver Stoýn.