Olıve Jırý Frantsııa quramasynyń úzdik mergen oıynshysy atandy

ASTANA. QazAqparat – Olıve Jırý Qatarda fýtboldan ótip jatqan álem chempıonatynyń 1/8 fınalynda Frantsııa – Polsha matchynda gol soqty, dep habarlaıdy QazAqparat tilshisi.

Bul - Jırýdiń ulttyq qurama sapyndaǵy 52-inshi goly edi.

Osyǵan deıin úzdik kórsetkish ataqty shabýylshy Terrı Anrıge tıesili bolatyn.

Ol sport jolynda qarsylastar qaqpasyna 51 gol engizgen. Frantsııa sapynda qazir de oınap júrgen Antýan Grızman úshinshi satyda tur. Onyń esebinde 42 gol bar.

Sóıtip Olıve Jırý T.Anrıdiń rekordyn jańartyp, óz esimin Frantsııa fýtbolynyń tarıhyna jazdy.

Eske sala keteıik, budan buryn Lıonel Messıdiń sport karerasynda myńynshy márte jasyl alańǵa shyqqanyn jazǵan bolatynbyz.

Messı bastaǵan Argentına shırek fınalǵa joldama aldy.

Messı «Úzdik oıynshy» ataǵyn segizinshi ret jeńip alyp, rekord ornatty.