Olımpıadashylardyń alǵashqy legi Parıjge Almatydan attanady

<p>ASTANA. KAZINFORM - Frantsııa astanasy Parıj qalasynda ótetin HHHІІІ Jazǵy Olımpıada oıyndaryna Qazaqstan Ulttyq quramasynyń alǵashqy legi Almatydan attanady. Osyǵan oraı 17 shilde kúni Alataý bókterinde sportshylarymyzdy saltanatty túrde shyǵaryp salý rásimi ótedi.</p>

Atalǵan shara, 17 shilde kúni saǵat 11:00-de, Almaty oblysy, Qarasaı aýdanyndaǵy Olımpıadalyq daıarlyq ortalyǵynda ótedi. 

Esterińizge sala keteıik, qazirgi tańda tórtjyldyq dodaǵa joldama jeńip alǵan qazaqstandyq sportshylarymyz sońǵy oqý-jattyǵý jıyndaryn ótkizip jatyr. Qazaqstan quramasy Olımpıada oıyndaryna sporttyń 25 túrinen 80 joldama jeńip aldy. Naqtyraq aıtsaq, boks, dzıýdo, sportttyq gımnastıka, jeńil atletıka, baıdarka men kanoede esý, oqpen atý, semserlesý, grek-rım kúresi, erkin kúres, sadaq atý, stendtik atý, tennıs, veloshosse, júzý, zamanaýı bessaıys, taekvondo, velotrek, batýt gımnastıkasy, badmınton, akademııalyq esý, kórkem gımnastıka, trıatlon, ústel tennısi, quzǵa shyǵý jáne breıkıngten Olımpıada oıyndarynda synǵa túsedi. 

Frantsııa astanasy Parıj qalasynda ótetin XXXIII jazǵy Olımpıada oıyndary 26 shilde men 11 tamyz aralyǵynda ótedi. Oıyndarǵa álemniń 205 elinen 10 500 sportshy qatysady dep josparlanǵan. Onda 32 sport túrinen 329 medal jıyntyǵy sarapqa salynady.