Olımpıadanyń jabylý saltanatynda Qazaqstan týyn kimder alyp shyǵady
Naqtyraq aıtsaq, oıyndardyń jabylý sharasynda el týyn erlerden taekvondoshy Batyrhan Tóleýǵalı men áıelder arasynda kórkem gımnastıkadan el namysyn qorǵaǵan Eljana Tanıeva alyp shyǵady.
Aıta ketsek, Batyrhan Tóleýǵalı Parıjde 80 kelige deıingi salmaqta synǵa tústi. Ol 1/8 aınalymda eki dúrkin álem chempıony, ıtalııalyq Sımone Alessıomen kezdesken bolatyn. Tartysty jekpe-jekte tájirıbeli ıtalııalyq sportshy 2:0 esebimen jeńiske jetti. Batyrhan Tóleýǵalı Qazaqstan sapynan Olımpıadaǵa qatysyp jatqan eń jas atlet. 18 jastaǵy sportshynyń bul tuńǵysh Olımpıadasy.
Al Eljana Tanıeva Parıj Olımpıadasynda tórt jattyǵýdyń qorytyndysy boıynsha fınalǵa óte almaǵan edi. Ol tórt jattyǵýdyń nátıjesi boıynsha 126.600 upaı jınady.
Esterińizge sala ketsek, Frantsııa astanasy Parıj qalasynda ótken HHHІІІ jazǵy Olımpıada oıyndarynyń saltanatty ashylý rásiminde elimizdiń kók týyn bokstan Qazaqstan ulttyq quramasynyń kapıtany Aslanbek Shymbergenov pen jeńil atlet Olga Safronova ustap shyqqan bolatyn.
Qazaqstandyqtar Parıj Olımpıadasynyń jabylý saltanatyn Jibek Joly arnasynan tikeleı efırde kóre alady.
Olımpıadanyń jabylý saltanatynda Qazaqstan týyn kimder alyp shyǵady
Generalnyı partner - AO "FNB "Samrýk Kazyna"
Partner - Fond podderjkı sporta Sport Qory