Olımpıadanyń on besinshi kúni el sportshylary qalaı óner kórsetti

<p>PARIJ. KAZINFORM &mdash; Frantsııa astanasy Parıj qalasynda ótip jatqan Olımpıada oıyndary aıaqtalýǵa jaqyn. Erteń sońǵy jarys kúni. Keshke qaraı tórtjyldyq dodanyń túndigi jabylady.</p>

Búgin qazaqstandyq sportshylar sporttyń 4 túrinen synǵa túsken bolatyn. Ókinishke qaraı, búgingi sportshylarymyz jarqyn jetistikterimen elimizdi qýanta alǵan joq.

Erkin kúresten 97 keli salmaqta el namysyn qorǵaǵan Álisher Erǵalı shırek fınalda jeńilip qaldy. Baǵyna qaraı, ózin jeńgen qarsylasy fınalǵa deıin súrinbeı jetti. Osylaısha ol jubanysh beldesýine qatysýǵa múmkindik aldy.

Velotrekten keırın baǵdarlamasynda synǵa túsken Andreı Chýgaı irikteýde óz tobynda márege besinshi bolyp keldi. Endi ol jubanysh kezeńinde baq synaıdy.

Al qazirgi bessaıystan búgin A tobynyń jartylaı fınalynda synǵa túsken Elena Potapenko 1301 upaı jınap, Olımpıada oıyndaryn 15-orynmen aıaqtady.

Sonymen qatar búgin Parıjde Olımpıada baǵdarlamasyna alǵash ret qosylǵan sport túri – breıkıngten erler arasynda saıystar ótti.

Bul synda el namysyn qazaqstandyq Ámir Zakırov qorǵady. Ókinishke qaraı, otandasymyz jartylaı fınalǵa shyǵa almady. Zakırov shırek fınalda álem chempıony Vıktor Montalvoǵa (AQSh) jol berip, jarysty aıaqtady. Toǵyz tóreshiniń 3 raýnd boıynsha esebi: 0-3 (0-9, 1-8, 2-7).

Olımpıadanyń on besinshi jarys kúninen keıin Qazaqstan quramasynyń qorjynynda 1 altyn, 3 kúmis, 3 qola júlde bar.

Generalnyı partner - AO "FNB "Samrýk Kazyna"
Partner - Fond podderjkı sporta Sport Qory