Olımpıadanyń fınalyna ótýge tyrysamyz – Álııa ıÝsýpova

<p>TAShKENT. KAZINFORM &ndash; Ózbekstan astanasy Tashkentte ótken kórkem gımnastıkadan lıtsenzııalyq Azııa chempıonaty óz máresine jetti, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Jarystyń sońǵy kúni de el sportshylary úshin sátti ótti. Qazaqstan eresekter quramasy 5 shyǵyrshyqpen jattyǵýda Azııa birinshiliginiń qola júldegeri atansa, jasóspirimder komandasy toptyq kópsaıystan altyn jáne kúmis medal ıelendi. Sondaı-aq, saıysta Eljana Tanıeva taǵy bir «altyn» jeńip alyp, shyǵyrshyqpen jattyǵýdan Azııa chempıony atandy. Buǵan qosa ol doppen jattyǵýda úshinshi orynnan kórindi. 

Foto: Álıhan Asqar/Kazinform

«Bizdiń Azııa chempıonatyna qatysýdaǵy maqsatymyz – Olımpıadaǵa joldama utyp alý. Sol úshin biz bar kúshimizdi salyp, daıyndyq jasadyq. Qyzdarymyz saıysta jaqsy óner kórsetti, Eljana Tanıeva birinshi oryn ıelenip, Olımpıada lıtsenzııasyn utyp aldy. Bul óte jaqsy nátıje sanalady. Osy kezge deıin ótken Rıo-de-Janeıro jáne Tokıo Olımpıadalarynda Qazaqstanda bir joldamadan ǵana bolǵan», - dep málim etti kórkem gımnastıkadan Ulttyq quramanyń bas bapkeri Álııa ıÝsýpova Kazinform tilshisiniń saýalyna jaýap bere otyryp.

Onyń aıtýynsha, endi tórt jyldyqtyń basty básekesinde el namysyn qorǵaıtyn Eljana Tanıevamen qarqyndy daıyndyq bastalady. 

Foto: Álıhan Asqar/Kazinform

«Azııa chempıonatynan keıin qyzdarǵa qysqa merzimdi demalys beriledi. Odan keıin qarqyndy daıyndyq júrgizemiz. Baǵdarlamany ózgertemiz, ıaǵnı oǵan kúrdeli elementter qosý kerek. Jalpy Qazaqstanda kórkem gımnastıka jaqsy damyp keledi. Sportshylarymyz Azııa chempıony atandy jáne jasóspirimder arasynda qyzdarymyz birinshi oryn aldy. Máselen, Sofııa qalasynda (Bolgarııa - avt.) ótken álem kýbogynda Eljana Tanıeva eń myqtylar arysynda 5-oryn aldy. Bul Eljanaǵa Olımpıadanyń fınalyna ótýine múmkindik bar ekenin kórsetedi. Soǵan tyrysamyz», - dedi Á.ıÝsýpova.

E.Tanıevanyń jeńisin búgin Aıbota Ertaıqyzy jalǵady. Ol taspamen jattyǵýda 32,90 upaımen top jardy. Sonymen qatar, Aıbota doppen jattyǵýda kúmis, shyǵyrshyqpen jattyǵýda qola medal enshiledi. 

Foto: Álıhan Asqar/Kazinform

Aıta keteıik, sońǵy ret kórkem gımnastıkadan Olımpıadanyń fınalyna ótken jalǵyz qazaqstandyq sportshy – Álııa ıÝsýpova. Ol 2004 jyly Afınada 4-oryn jáne 2008 jyly Beıjińde 5-oryn ıelengen edi. 

Foto: Álıhan Asqar/Kazinform

Eske sala keteıik, 3 mamyr kúni Eljana Tanıeva kórkem gımnastıkadan Parıj Olımpıadasynyń joldamasyn jeńip alǵan bolatyn. 

Foto: Álıhan Asqar/Kazinform