Olımpıadany erte aıaqtaımyn dep múlde oılamaǵan edim – Kamıla Berliqash

<p>PARIJ. KAZINFORM &mdash; Frantsııa astanasy Parıj qalasynda ótip jatqan Olımpıada oıyndarynda dzıýdodana áıelder arasynda el namysyn qorǵaǵan Kamıla Berliqash beldesýin qorytyndylady.</p>

«Bul Olımpıada men úshin erte aıaqtaldy. Osyndaı erte aıaqtaımyn dep múlde oılamaǵan edim. Negizi, Parıjden elge júldemen qaıtamyn dep josparlaǵan edim. Ókinishke qaraı, josparymdy iske asyra almadym. Birinshi beldesýde mońǵol balýanyna jol berdim. Úsh shıdo alyp, utylyp qaldym», - dedi dzıýdoshy.

Sondaı-aq, bul qarsylasyńmen osyǵan deıin de kúresip, utylyp qalǵanyn da jasyrmady.

«Bul sportshymen osydan buryn da kúresip, utylyp qalǵan edim. Osy joly esemdi qaıtaramyn dep oılaǵan edim. Ol ekeýmiz Azııa oıyndarynda kezdesip, qosymsha ýaqytta «vazzarı» upaıymen jeńilip qalǵan bolatynmyn», - dedi Kamıla Berliqash.

Aıta ketsek, jalpy Parıj Olımpıadasyna erlerden 5, áıelderden 3 dzıýdoshy kelgen. Olardyń arasynan Eldos Smetov chempıon atansa, Ǵusyman Qyrǵyzbaev qola medal jeńip aldy. Áıelder arasynda eń úzdik nátıjeni Ábıba Ábýjaqynova tirkedi. Ol qola medal úshin beldesýde qarsylasyna jol berip, 5-oryndy qanaǵat tutty.

Endi, erteń, 3 tamyzda ulttyq qurama komandalyq saıysta synǵa túsedi. Al 4 tamyz kúni chempıon Eldos Smetov bastaǵan dzıýdo quramasy elge qaıtady.