Olımpıadalyq irikteý týrnıri: Tórtinshi qazaqstandyq boksshy fınalǵa shyqty

NUR-SULTAN. QazAqparat – Búgin Iordanııanyń Amman qalasynda ótip jatqan bokstan Olımpıadaǵa irikteý týrnıriniń fınalyna 4 qazaqstandyq boksshy shyqty, dep habarlaıdy QazAqparat tilshisi.

Qazaq boksshylary arasynan 81 keli salmaqta el namysyn qorǵap jatqan otandasymyz Bekzat Nurdáýletov tórtinshi boksshy bolyp fınalǵa ótti.

Ol jartylaı fınalda ıordanııalyq Oda Ál Hındavımen qolǵap túıistirip, tóreshilerdiń sheshimimen jeńiske jetti.

Bekzat lıtsenzııalyq týrnırde fınalǵa joldama alǵan tórtinshi qazaqstandyq boksshy atanyp otyr. Buǵan deıin Zákir Safıýllın (63 keli), Vasılıı Levıt (91 keli) jáne Ábilhan Amanqul (75 keli) aqtyq synǵa ótken bolatyn.

Búgin, sondaı-aq áıelder boksynan Nadejda Rıabets (75 keli), Abylaıhan Júsipov (69 keli) jáne Serik Temirjanov (57 keli) atalǵan týrnırdiń qola júldegeri atandy.