Olımpıadalyq irikteý týrnıri: Taǵy bir qazaqstandyq «qola» aldy
23:05, 10 Naýryz 2020
NUR-SULTAN. QazAqparat – Búgin Iordanııanyń Amman qalasynda ótip jatqan bokstan Olımpıadaǵa irikteý týrnırinde Qazaqstan qorjynyna taǵy bir qola medal tústi, dep habarlaıdy QazAqparat tilshisi.
Búgin olımpıadalyq irikteý týrnıriniń jartylaı fınalynda judyryqtasqan jerlesimiz Serik Temirjanov qola medaldi qanaǵat tutty.
Ol jartylaı fınalda ózbekstandyq Mırazızbek Mırzahalılovpen judyryqtasyp utylyp qaldy. Osylaısha jarysty qola medalmen aıaqtady.
Esterińizge sala ketsek, osyǵan deıin erler arasynda 69 keli salmaqta Abylaıhan Júsipov jartylaı fınalda úndistandyq boksshyǵa jol berip, qola medal ıegeri atanǵan bolatyn .