Olımpıadalyq daıyndyq ortalyǵy Óskemennen Şýchege kóshirilmek
«Qysqy sport túrlerin odan ári damytý úshin Respýblıkalyq Olıpıadalyq daıyndyq ortalyǵyn Óskemennen Şýche qalasyna ornalastyrý týraly sheshim qabyldandy. 2018 jyldyń qańtarynda Şýche qalasynda respýblıkalyq shańǵy sporty bazasy qurylysynyń birinshi kezeńin paıdalanýǵa berý josparlanýda. Osyǵan baılanysty mınıstrlik qysqy sport túrleri boıynsha respýblıkalyq Olımpıadalyq daıyndyq ortalyǵyn Şýche qalasynda jańadan salynǵan shańǵy bazasyna ornalastyrý týraly qaýly jobasyn ázirledi. Osy qaýlyny qoldaýlaryńyzdy suraımyn», - dedi Arystanbek Muhamedıuly.
Onyń aıtýynsha, qazirgi ýaqytta qazaqstandyqtar sporttyń eki túrinen 13, atap aıtqanda bıatlonnan 10, mánerlep syrǵanaýdan 3 lıtsenzııa alyp úlgergen.
«17 jastaǵy mánerlep syrǵanaýshy Elıvabet Tursynovanyń Helsınkıdegi chempıonatta tamasha óneriniń arqasynda Qazaqstan óz tarıhynda alǵash ret jeke mánerlep syrǵanaýdan Olımpıadaǵa 2 sportshy qatystyratyn bolady. Sonymen qatar qysqy Olımpıada oıyndarynyń qola júldegeri Denıs Ten osy álemdik básekedegi úshinshi lıtsenzııany jeńip aldy», - dedi mınıstr.