Olımpıadalyq irikteý: Hokkeıshi Nıkıta Mıhaılıstiń úsh goly Qazaqstanǵa jeńis syılady

<p>ASTANA. KAZINFORM &ndash; Shaıbaly hokkeıden Qazaqstan quramasynyń fınaldyq olımpıadalyq irikteý kezeńindegi alǵashqy oıynyn Vengrııaǵa qarsy ótkizdi.</p>

Kezdesý barysynda qazaqstandyq hokkeıshiler alǵashqy bolyp esep ashty. Oıynnyń 15-mınýtynda Nıkıta Mıhaılıs esep ashsa, oǵan 22-mınýtta vengrııalyq Doman Songot bir golmen jaýap qaıyrdy.

Ekinshi kezeńde qazaqstandyq Dmıtrıı Breýs 31, Maksım Mýhametov 34-mınýtta eki gol soqsa, vengrııalyq Ishtvan Shofron 35-mınýtta esep aıyrmasyn qysqartty.

Qazaqstandyq Nıkıta Mıhaılıs 48, 53-mınýtta taǵy eki márte qaqpany dál kózdedi.

Nátıjesinde qazaqstandyq hokkeıshiler qarsylasynan 5:2 esebimen basym tústi.

Aıta ketsek, qazaqstandyq hokkeıshiler D tobynda Slovakııa, Avstrııa jáne Vengrııamen dúbirli dodaǵa beriletin joldamany sarapqa salady.

Endi el quramasy 30 tamyzda 17:00-de Avstrııamen,

1 qyrkúıekte 21:00-de Slovakııamen kezdesedi.

Qazaqstandyq hokkeıshiler buǵan deıin Qysqy Olımpıadada 1998, 2006 jyldary baq synaýǵa múmkindik aldy.