Olımpıadaǵa úshinshi joldama — Mahmud Sabyrhanda

<p>ASTANA. KAZINFORM — Italııanyń Býsto-Arsıtsıo qalasynda ótip jatqan lıtsenzııalyq týrnırde qazaqstandyq boksshy Mahmud Sabyrhan shırek fınalda qarsylasyn jarys jolynan taıdyryp, Olımpıada joldamasyna qol jetkizdi.</p>

Foto: Qazaqstan boks federatsııasy

Otandasymyzdyń sheshýshi sáttegi qarsylasy — 2011 jyly Astana tórinde ótken jasóspirimderdiń álem chempıonatynda top jarǵan, sonymen qatar osy jyly álemde eń myqty jasóspirim ataǵyn jeńip alǵan asa tájirıbeli tájikstandyq boksshy Asror Vohıdov bolatyn.

Foto: Qazaqstan boks federatsııasy

Asa tartysty ótken jekpe-jek qorytyndysy boıynsha Sabyrhan qarsylasyn 4:1 esebimen jeńip, lıtsenzııaǵa ıe boldy.

Mahmud Sabyrhan alǵashqy irikteý synynda efıopııalyq Leta Fıkremarıam ıAdesamen judyryqtasyp, 5:0 esebimen utsa, osy týrnırdegi ekinshi aıqasynda Taıland boksshysy Saravýt Sýkthetti 3:2 esebimen jeńdi.

Foto: Qazaqstan boks federatsııasy

Al úshinshi aıqasynda Pýerto-Rıkodan kelgen Hose Kaleb Pagan Tıradomen qolǵap túıistirip, taǵy da qarsylasyn 3:2 esebimen jeńip, shırek fınalǵa ótken bolatyn.

Foto: Qazaqstan boks federatsııasy

Mine, búgin joldama sarapqa salynǵan sheshýshi synda tájikstandyq Asror Vohıdovtan aılasyn asyryp, qazaq boksshylarynyń Parıj olımpıadasyna joldama sanyn taǵy bireýge tolyqtyrdy.

Foto: Qazaqstan boks federatsııasy