Olımpıadaǵa short-trekten qosymsha kimderdiń qatysatyny belgili boldy

ORAL. QazAqparat - Short-trekten Qazaqstan quramasynyń taǵy eki joldama ıelenýine baılanysty Olımpıadaǵa qosymsha kimderdiń qatysatyny belgili boldy, dep habarlaıdy «QazAqparat» tilshisi.

Qazaqstan quramasynyń bas bapkeri Mádiǵalı Qarsybekovtiń aıtýynsha, 1500 metr qashyqtyqta aldaǵy Olımpıadada Nurbergen Jumaǵazıevpen birge Erkebulan Shamýhanov baq synaıtyn boldy. Sondaı-aq 5 myń metrlik erler estafetasyna qatysý úshin Qazaqstan quramasy sapynda Nurbergen Jumaǵazıev, Abzal Ájiǵalıev, Denıs Nıkısha, Erkebulan Shamýhanov jáne rezervte Mersaıd Jaqsybaev daıyndalýda.

Budan buryn Qazaqstan quramasy on joldama ıelengen bolatyn. ıAǵnı 500 metrlik qashyqtyqta Abzal Ájiǵalıev, Denıs Nıkısha jáne Nurbergen Jumaǵazıev júlde úshin talasqa túsedi. Nurbergen sondaı-aq 1 myń jáne 1500 metrden báıgege qatysady. Qyzdardan Anastasııa Krestova 500, 1000 jáne 1500 metr qashyqtyqta baǵyn synaıdy. Oǵan qosa Álııa Kım (Kım Iong A) 1000 jáne 1500 metrden aıdynǵa shyǵady.

«Qazirgi kezde Japonııada jattyǵýdamyz. Olımpıada oıyndarynda medal alý úshin barymyzdy salamyz», dedi «QazAqparat» tilshisine Qazaqstannyń eńbek sińirgen jattyqtyrýshysy Mádiǵalı Qarsybekov.