Olımpıadaǵa irikteý týrnırinde Nazym Qyzaıbaı 1/8 fınalǵa shyqty

<p>ASTANA. KAZINFORM — Taıland astanasy Bangkok qalasynda ótip jatqan bokstan Olımpıadaǵa irikteý týrnırinde qazaqstandyq Nazym Qyzaıbaı (50 keli) 1/8 fınalǵa shyqty.</p>

Qazaqstandyq bylǵary qolǵap sheberi 1/16 fınalda Ońtústik Koreıadan kelgen Djýhıýng Djýngty jeńdi. Esep — 5:0.

Foto: Qazaqstan boks federatsııasy

Endi el quramasynan búgin, 31 mamyrda Muhammedsabyr ¼ fınalda kýbalyq Erıslandı Alvarespen qolǵap túıistiredi.

Al Valentına Halzovanyń 1 maýsymdaǵy 1/8 fınaldaǵy qarsylasy — mońǵolııalyq Erdenetýıa Enhbaatar.
 
Úsh salmaq dárejesinde de jartylaı fınalǵa shyqqan sportshylar Olımpıada joldamasyna ıe bolady.

Sondaı-aq 63.5 kelide jartylaı fınalda jeńilgen boksshylar arasynda qosymsha bir lıtsenzııa sarapqa salynady.

Aıta ketsek, elimizdiń erler quramasynda Olımpıadaǵa Sáken Bıbosynov (51 keli), Mahmud Sabyrhan (57 keli), Aslanbek Shymbergenov (71 keli), Nurbek Oralbaı (80 keli), Aıbek Oralbaı (92 keli) jáne Qamshybek Qońqabaev (92 keliden joǵary) joldama alyp qoıdy.

Áıelder quramasynda Karına Ibragımova (57 keli) Parıj Olımpıadasyna joldama alǵan edi.

Taılandtaǵy irikteý týrnırinde Uljan Sársenbek (54 keli), Rımma Volosenko (60 keli) men Natalıa Bogdanova (66 keli) jarys jolyn aıaqtady.