Olımpıadaǵa irikteý týrnırinde búgin qazaqstandyq úsh boksshy rıngke shyǵady

<p>ASTANA. KAZINFORM - Taıland astanasy Bangkok qalasynda ótip jatqan bokstan Olımpıadaǵa irikteý týrnırinde búgin, 1 maýsymda qazaqstandyq úsh boksshy saıysqa túsedi.</p>

El quramasynan 1/8 fınalda Valentına Halzova (75 keli) saǵat 12:15-te mońǵolııalyq Erdenetýıa Enhbaatarmen kezdesedi.

Al 16:30-da 1/8 fınalda Nazym Qyzaıbaı (50 keli) ulybrıtanııalyq Savanna Stýbleımen sheberlik baıqasady.

Sondaı-aq 18:45-te Muhammedsabyr Bazarbaıuly (63.5 keli) besinshi joldama úshin kolýmbııalyq Hose Manýel Vıafaramen qolǵap túıistiredi. Bul juptyń jeńimpazy Aleksandrý Paraskıv (Moldova) pen Emılıo Garsııa (AQSh) jubynyń jeńimpazymen joldamany sarapqa salady. 

Taılandtaǵy irikteý týrnırinde Uljan Sársenbek (54 keli), Rımma Volosenko (60 keli) men Natalıa Bogdanova (66 keli) jarys jolyn aıaqtady.

Qazir Qazaqstan quramasy qorjynynda Parıj Olımpıadasyna erlerde 6, áıelderde 1 joldama bar.