Olımpıadaǵa irikteý týrnırinde búgin qazaqstandyq úsh boksshy rıngke shyǵady

<p>ASTANA. KAZINFORM — Taıland astanasy Bangkok qalasynda ótip jatqan bokstan Olımpıadaǵa irikteý týrnırinde búgin, 2 maýsymda qazaqstandyq úsh boksshy saıysqa túsedi.</p>

El quramasynan ¼ fınalda Valentına Halzova (75 keli) saǵat 12:00–de kolýmbııalyq Shırleıdız Orozkomen kezdesedi.

Al Nazym Qyzaıbaı (50 keli) ¼ fınalda 16:30-da Soltústik Koreıa boksshysy Kang Sý Hýangpen qolǵap túıistirse, besinshi joldama úshin Muhammedsabyr Bazarbaıuly (63.5 keli) 17:30-da moldovalyq Aleksandrý Paraschıvpen sharshy alańǵa shyǵady.

Taılandtaǵy irikteý týrnırinde Uljan Sársenbek (54 keli), Rımma Volosenko (60 keli) men Natalıa Bogdanova (66 keli) jarys jolyn aıaqtady.

Qazir Qazaqstan quramasy qorjynynda Parıj Olımpıadasyna erlerde 6, áıelderde 1 joldama bar.