Olımpıadaǵa irikteý: Shaıbaly hokkeıden Qazaqstan quramasynyń oıyn kestesi belgili boldy

<p>ASTANA. KAZINFORM &mdash; Shaıbaly hokkeıden Qazaqstan quramasynyń olımpıadalyq irikteýdiń fınal kezeńindegi oıyn kestesi belgili boldy.</p>

Fınaldyq irikteý kezeńi 29 tamyz ben 1 qyrkúıek aralyǵynda Slovakııa astanasy — Bratıslavada ótedi.

El quramasy onda Olımpıada joldamasyn alý úshin Vengrııa, Avstrııa jáne Slovakııa quramalarymen sheberlik baıqasady.

Qazaqstan quramasynyń oıyn kestesi:

29 tamyz, 17:00. Qazaqstan — Vengrııa
30 tamyz, 17:00. Qazaqstan — Avstrııa
1 qyrkúıek, 21:00. Slovakııa — Qazaqstan

Qazaqstandyq hokkeıshiler Olımpıada oıyndaryna eki márte qatysty.

Aldymen 1998 jyly Nagano Olımpıadasynda jalpy esepte segizinshi oryn alsa, 2006 jyly Týrın Olımpıadasynda toǵyzynshy oryndy mise tutty.

Aıta ketsek, el quramasy Astana qalasynda 14-18 tamyz aralyǵynda ótetin shaıbaly hokkeıden Qazaqstan Respýblıkasy Prezıdenti kýbogyna qatysady.

Ol quramanyń olımpıadalyq irikteýdiń fınaldyq kezeńi aldyndaǵy daıyndyǵy bolady.

Bıyl on úshinshi márte jalaýyn kóteretin týrnırge elordalyq komandadan ózge Reseıdiń «Lada» (Tolıattı), «Amýr» (Habarovsk) klýbtary qatysady.