Olımpıadaǵa Qazaqstannan 95 sportshy barady: Tizim tolyǵýy múmkin
Qazaqstan birinshi ret Olımpıada baǵdarlamasyna jańadan engen sport túrleri, atap aıtqanda, sporttyq quzǵa órmeleý jáne karate boıynsha qatysady. Karateden birden bes sportshy, erlerden Darhan Asadilov, Nurqanat Ájiqanov, Danııar ıÝldashev pen áıelderden Móldir Jańbyrbaı men Sofıa Berýltseva, al quzǵa órmeleýden Rıshat Haıbýllın baq synaıdy.
Tanymal qazaqstandyq jeńil atlet Olga Rypakova otandyq olımpıadalyq quramnyń kóshbasshysy bolatyny sózsiz. Bul doda Olganyń sport mansabyndaǵy tórtinshi Olımpıadasy bolmaq. Búginde onyń qorjynynda olımpıada medaldarynyń tolyq jıyntyǵy bar. Ol buǵan deıin qatysqan barlyq Olımpıadadan júldemen oralǵan bolatyn.
Sý dobynan erler quramasy komandalyq oıyn túrlerinen jarysqa qatysatyn qazaqstandyq jalǵyz qurama bolyp otyr. Olar Olımpıada oıyndaryna segiz jyldan keıingi úzilisten soń oraldy.
Dástúr boıynsha Qamshybek Qońqabaev bastaǵan bokstan erler komandasy tolyq qurammen, segiz salmaq boıynsha qatysady. El qorjynyndaǵy toǵyz joldama boksshylarǵa tıesili.
Gımnast Mılad Karımı jalǵyz ózi jeti joldamany enshilep, irikteý kezeńin sátti aıaqtady.
Júzýden Qazaqstan úsh joldamany ıelendi. Onyń ekeýin Olımpıada chempıony Dmıtrıı Balandın jeńip aldy.
Otandasymyz Rýslan Qurbanov Halyqaralyq semserlesý federatsııasynyń jeke reıtıngi boıynsha qurlyqtyq kvotany jeńip alǵan alty sportyshynyń qataryna endi. Afınydaǵy Olımpıada oıyndarynan keıin (2004) alǵash ret Qazaqstannyń úsh veloshabandozy toptyq jarysta baq synaıdy. Mundaı nátıjege qol jetkizýge komanda kóshbasshysy Alekseı Lýtsenko úlken úles qosty. Ol Qazaqstanǵa jalpy alǵanda Azııa qurlyǵynyń birde-bir memleketi enshilemegen upaıdy ákeldi. Trektegi velosport (sprınt, omnıým jáne keırın) boıynsha úsh lıtsenzııa jeńip aldy. Aıta keterligi, sporttyń bul túri boıynsha joldama Qazaqstan úshin tarıhı bolyp esepteledi. Sebebi, osy ýaqytqa deıin qazaqstandyq sportshylar atalǵan dıstsıplına boıynsha Olımpıada oıyndaryna qatyspaǵan.
Sadaq atýdan 20 jyldan keıin alǵash ret Qazaqstannan úsh sadaqshy Olımpıada oıyndarynda komandalyq jarysqa qatysady.
Búginde on bir joldama balýandarǵa tıesili bolsa, jeńil atletter de osy mólsherde lıtsenzııa jeńip aldy. Tennısshiler jeti, al baıdarka men kanoede esýden alty joldama qorjynda. Reıtıngtik jarystar nátıjesi boıynsha dzıýdoshylar alty joldamany ıelendi. Tokıo tórinde beldesetin tatamı sheberleriniń arasynda tájirıbeli Eldos Smetov bar.
Ústel tennısinen Qazaqstan quramasynyń enshisinde qos joldama, sondaı-aq, taekvondo men slalomdy esý boıynsha sportshylar eki lıtsenzııa aldy.
Qazirgi tańda UOK keıbir sport túrlerinen halyqaralyq federatsııalardyń lıtsenzııalardy qaıta bólý, úlestirý nátıjelerin kútýde.
Olımpıada oıynaryna qatysatyn sportshylardyń sońǵy ári naqty tizimi 5 shildeden keıin belgili bolady.
«Qazaqstandyq delegatsııanyń basym bóligi eki aptalyq karantınnen keıin Qazaqstannan Tokıoǵa attanady. Birinshi oryndaǵy mindetimiz sportshylardyń qaýipsizdigi», - dep atap ótti Ulttyq Olımpıada komıtetinen.
Endi mańyzdy mindetterdiń biri Olımpıada oıyndary bastalar aldyndaǵy sońǵy kúnderdi uıymdastyrý jáne materıaldyq-tehnıkalyq jaǵynan qamtamasyz etý bolyp qala beredi. Tokıo Olımpıadasynyń Uıymdastyrý komıteti men Halyqaralyq Olımpıada komıteti Olımpıadaǵa qatysýshylardyń densaýlyǵyna qaýip tóndirmeý jáne aldyn alý úshin buryn-sońdy bolmaǵan sharalardy júzege asyrdy. Atap aıtqanda, qatysýshylarǵa arnaıy erejeler jıyntyǵyn «Pleıbýkty» shyǵardy. Mundaı sharaǵa sportshylardyń jáne delegatsııalardyń basqa músheleriniń qozǵalysyn shekteý, UOK-tan jáne halyqaralyq federatsııalardan delegatsııalardyń sanyn qysqartý, kúndelikti PTR-testileri jáne Olımpıada oıyndaryna qatysýshylardyń ornalasqan jerin arnaıy mobıldi qosymshalar arqyly únemi qadaǵalaý kiredi. Komanda Japonııaǵa 16 shildede «Air Astana» kompanııasynyń qoldaýymen uıymdastyrylǵan charterlik reıspen ushady.
Olımpıada oıyndarynyń ashylý saltanaty 23 maýsymda Tokıo Olımpıada stadıonynda ótedi.